Eébulo 1:1 - Jola-Kasa

¹ Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

Eébulo 1:1 Referencias Cruzadas

Hulimahu Hásuumaahu loon Lík akiic homuu 1:55

Abulaham li bubukoolumabu boola boot nanoonan, loon alob momuu situbawolaal sihaan.

Hulimahu Hásuumaahu loon Lík akiic homuu 1:72

Muñowu Ateemit áhiisummuu káyiyenaku koola situubawolaal, loon alobumuu, ban li awayil̥o húfaalumahu hoola hanabaahu.

Hulimahu Hásuumaahu loon Lík akiic homuu 24:27

Fúlum tó, Yéesu li akitteniil wahawu feh walobimuu uya li okila li Bakiicelabu foof bo feh, kítum li síliibalasu sata Móyiis ló li sata kufulofetaku feh.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Saŋ akiic homuu 16:13

Nan Buyinumabu báhiisemuu bukanabuku mal̥egenamu bommuu li bubil, fan bukaanuul jihaas mal̥egenamu foof mo feh. Let búlobum li kajaw kata bo humum bo, bale fan bulobuul wahawu feh wan bujamumuu, ban li buhebuul wahawu wammuu li ubil ubaj.

Hulimahu Hásuumaahu loon Saŋ akiic homuu 7:22

Mata min Móyiis aanuumuu jiteyen bañooluul búkut.

Hulimahu Hásuumaahu loon Saŋ akiic homuu 9:29

Jihaase joon Ateemit lalollob li Móyiis, bale anawu ummu jihaasut bay labilumulo!

Bakaanelabu 13:32

Olóli húmumoli jibiibil kalobuul Hulimahu unhu Hásuumaahu: wahawu wan Ateemit alobumuu kasen situubawolaal sihaan,

Bakaanelabu 2:30

Bale Dayit lakankaan afulofet. Lahahhaas kaanaku Ateemit lanunnuu aanool: «Fan asen jáyiiyaju jammuu joola akee li bubukoolumabu boola, búsolool.»

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

Eébulo 11:18

Ateemit lansaan Abulaham: «Li Isaak lóotummuu ubaj bubukoolumabu ban ilobumuu kaseni.»

Eébulo 11:2

Káyinen kújimuu bukanabuku kata naanaŋ li kubaj buloŋ básuume Ateemit.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 2:2

Hulimahu han kumalakaaku kulob nomuu, hulakolako hulim hata mal̥egen, ban anoowan áhoogulo hó mantee foof átuulut hó, lababbaj katek kacole.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 3:5

Móyiis okila lakankaan li mal̥egen wahawu feh loon Ateemit afañumuu li eluufayi yoola, loon alakomuu aloka áami li alob wahawu wan Ateemit ammuu li abil álobul.

Eébulo 4:8

Li mal̥egenamu, nokooleenumuu loon Sósuwe lájowetunjowetum bukanabuku kata Isilayeel dán kufaleyiilumuu kayool̥owaku unku, Ateemit let alobeen mata hunak hakee, ló bafiyowe.

Eébulo 5:5

Kilisita humumool foof asenoolowut kasalaku unku kata kalako álamba áamak, bale li Ateemit láyabum kó, aanoolumuu: «Awu ommuu Añoolom; Hunakahu hata síyaat ínje emmuu Atuubayi.»

Eébulo 9:19

Nan Móyiis ayiiŋenumuu hákil ésukayi feh uŋoonawu feh loon eluwaayi elobumuu aban, li aŋa’ húsim hata bámuuna, [li hata kulow], li mal li búgit bájunke ban, li aŋa’ jaan jata anuunuken an koone isof, min áyisen éliibalayi yata eluwaayi li ésukayi feh.