Eébulo 1:2 - Jola-Kasa

² Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

Eébulo 1:2 Referencias Cruzadas

Máciya 13:39

Alatoolaawu abetumuu emaanobasuuwayi, akila ammuu Sayitaane. Ecacayi, yo yommuu nan buloŋabu umbe bommuu li buban. Kucacaaku, buko kommuu kumalakaabuku.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 21:38

Bale nan kulokaabuku kata úbiiñawu kujukumuu añiilawu, li kúsuumenoo koon: «Añiilawu ammuu li atowowool ummu. Jibil umukaalool min uŋalaal bútowowabu boola ukilaal.»

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Maak 1:1

Muñeˈe Hulimahu Hásuumaahu hata Yéesu Kilisita ammuu Añiilawu ata Ateemit, húkitummuu.

Maak 12:6

Muñeˈe ánayinaawu ata bul̥ibabu li saŋowool bale añoolool anolawu sih, an aboolatumuu. Li aboñool búsoluma, bata kulokaaku kata úbiiñawu, min anaak ayinoo li aan: «Manooman fan kusuu añoolom.»

Maak 12:7

Bale kulokaaku umbuku kata úbiiñawu li kunaak koonoo: «Ummu, akila ammuu li abil atowo ánayinaawu ata bul̥ibabu. Jibil umukaalool, min bútowowabu bulako boololaal.»

Hulimahu Hásuumaahu loon Saŋ akiic homuu 1:10

Hulimahu li hulako li adunaayi. Bale maayeet min Ateemit ajuul̥ummuu adunaayi li Hulimahu, adunaayi eyabut ho.

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:3

Ateemit li Hulimahu láwuwenume wahawu feh. Bajut wah wabaje, wan Ateemit áwuwenumut li ho.

Hulimahu Hásuumaahu loon Saŋ akiic homuu 13:3

Yéesu humumool lahaase aan Ateemit lakaakat wahawu feh li kuŋenool, ban li Ateemit labilumulo, ban foof fan alaañ boot bata Ateemit.

Hulimahu Hásuumaahu loon Saŋ akiic homuu 13:32

[Nokoomuu loon máyiineniyamu mata Ateemit mujukijuk li Añool-An,] Ateemit foof fan akaan máyiineniyamu mata Añool-An mujuki li akila humumool, ban fan akaan mo mujuki muñeˈe.

Hulimahu Hásuumaahu loon Saŋ akiic homuu 15:15

Let imit ihooñuul kuloka, mata aloka áhaaseliit wahawu wan anahaanawu oola akaanemuu. Lihooñuuhooñ kubukewom mata likaanuukaan min jihaas wahawu feh wan iliikenulomuu li Atuubawom.

Hulimahu Hásuumaahu loon Saŋ akiic homuu 16:15

Wahoowah feh wan Atuubawom abaje, wúmbaam foof. Mó mújimuu li eenuul Buyinumabu fan búŋalum lí ínje wahawu wan bommuu li bulobuul.»

Hulimahu Hásuumaahu loon Saŋ akiic homuu 17:2

Mata lusenoosen kayile li bukanabuku feh, mantee li asen buloŋabu bábaneliitumuu bukanabuku feh kan usenoolumuu.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:25

Muñeˈe kukee li kúgoomaku kata Saŋ li kulako búwonnoo li Asuwif akee mata kágiilen.

Hulimahu Hásuumaahu loon Saŋ akiic homuu 5:26

Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool.

Hulimahu Hásuumaahu loon Saŋ akiic homuu 5:27

Ban li asen Añiilawu kayile min atiib, mata akila ammuu Añool-An.

Hulimahu Hásuumaahu loon Saŋ akiic homuu 9:29

Jihaase joon Ateemit lalollob li Móyiis, bale anawu ummu jihaasut bay labilumulo!

Bakaanelabu 10:36

Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.

Bakaanelabu 2:17

«Ateemit laane wahawu unwe wommuu li ubaj li kunakaku kúbanumaku: fan iŋa’ li Buyinumabu búmbaam ikaan li bukanabuku feh. Fan ílobum li kuñooluul káyine, li kuñooluul kaale. Injé Ateemit fan íhiis mal̥egenamu múmbaam kuñooluul kátit. Ban siñaakanasu sooluul, fan síhaasum mal̥egenamu múmbaam li sísaahut.

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

1 Kata Koolent 8:6

bale li alolaal, Ateemit ano bale abaje. Okila ammuu Atuubaawu, áwuwenumuu wahoowah feh, ban li uloŋaal boot li akila. Li baj foof Amaaŋen ano bale. Okila ammuu Yéesu Kilisita, an wahoowah feh úwuwenumimuu li akila, ban li úloŋumaal li akila.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Kata Efées 1:10

Wahawu unwu wan Ateemit ammuu li abil ahabel akaan nan taŋayi yommuu li éliiŋ, wo wommuu min awoogen wahawu feh wammuu li emitayi li etaamayi, min an ano alako anahaanawu ata wo. Anawu ummu akila ammuu Kilisita.

Kata Efées 3:9

Lakaanonkaan min iyili íhiis bukanabuku feh set, buu lammuu li kakaan wahawu wan an ahaaseenutumuu. Akila áwuwenumuu wahoowah feh, layolooyoloo wo kábilum no.

Eébulo 1:5

Li mal̥egenamu, Ateemit ámusut aan akee li kumalakaaku: «Awu ommuu Añoolom, Hunakahu hata síyaat ínje emmuu Atuubayi.» Amúsut foof alob mata amalaka aan: «Fan ilako Atuuba oola, ban akila fan alako Añiil úmbaam.»

Eébulo 1:8

Bale li alob mata Añiilawu aan: «Awu ammuu Ateemit, efenjeŋayi yooli yata jáyiiyaju inyu to boot nanoonan. Fan ooken bukanabuku kata jáyiiyaju jooli li bakaane bacole.

Eébulo 11:3

Káyinen kújimuu li únaanumaal kaanaku adunaayi li Hulimahu hata Ateemit ejuul̥umi, min lako wahawu wajukeyimuu li wah wájukoliiti úkaanumi.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eébulo 5:8

Maayeet min Yéesu ammuu Añiilawu ata Ateemit, bale li aliikenum kátuul li wahawu feh wan álaamumuu.

Eébulo 7:28

Li mal̥egenamu, eluwaayi yata Móyiis bukan kabaje búgootoyiil eŋale ekaan élamba yáamak, bale álambaawu áamum tómuu humum hata hulimahu han Ateemit anuulumuu búsoluma eluwaayi, Añiilawu hukaan to. Okila ammuu álamba áamak anabumuu boot nanoonan.

Eébulo 7:3

An ahaasut atuubawool li jaawool. Abajut kaland. Bajut tan an alobe mata hunakahu hata kabukiyaku koola, mantee foof mata eketayi yoola. Lanokoonokoo li Añiilawu ata Ateemit, ban li áami álamba boot nanoonan.

Eébulo 9:26

Letumuu mo, kama fan álaameen ñameeŋe kábilum nan adunaayi ejuul̥imuu. Li mal̥egenamu, Kilisita lálaŋuulaŋul ñano ban kale muñeˈe, nan adunaayi ebanumee, boot kasenoolo okila humumool loon kasila, boot káfulen kahoofoolaku.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

2 Fiyeel 3:3

Joote jijand jihaas kaanaku, li kunakaku kúbanumaku fan baj bukan káami li kúfulul ban fan kunaak kuloŋ naboo li kásiibowaku kooliil. Fan kunaak kujakakaayuul,

Eleetalayi yan Súd akiicumuu 1:18

Koonuusoon: «Li húbanumahu hata taŋayi, fan baj bukan kacencengene, ban li kunaak kuloŋ loon súumiilumuu ban kúkoliwut Ateemit.»