Bakaanelabu 8:5 - Jola-Kasa Fílib akila li ajow boot li ésukayi yáamakayi yata Samali, ajow awaale mata Afakenaawu bukanabuku kakin dómuu. |
Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.
Li líiŋ hunak hukaten, li jilaañen jijow boot Sesaale. To untu, li jinoken li eluufayi yata Fílib ammuu awaaleya ata Hulimahu Hásuumaahu, min jilako boola. Fílib buko kommuu bukanabuku hutok li kúl̥ubaaku kan kul̥usumuu Yeelusalem.
Muñeˈe hunakoohunak, kufootalaku li kunaak kuliiken bukanabuku, ban li kuwaaleyiil Hulimahu Hásuumaahu, li Eluufayi yata Ateemit li siluufasu, kaanaku Yéesu ammuu Afakenaawu.
Kulimaku unku kan kufootalaku kulobumuu, li kúsuum ŋáa’ búsukabu feh balako tomuu li bajojabu. Muñeˈe li kul̥us Ecen, alakomuu an ata káyinen li an an Buyinumabu Banabaabu bulakowe li akila ŋáa’. Li kul̥us foof Fílib li Fulokool, Nikanool li Timoŋ, Falimenaas li Nikola áfulumulomuu li ésukayi yata Antiyok, ban li áyineneen no li bútinabu bata kusuwifaku tówum áyinen li Yéesu.
Muñeˈe Sóol lafanfañ min kumukumuu Ecen. Li baj li hunakahu unhu hanolahu, jálaaten jáamak li Ejanguwayi yata Yeelusalem. Káyinenumuu li Yéesu feh li kuyiisoo kujow boot li etaamayi yata Súde li yata Samali, jow saŋo Kufootalaku.
Fúlum tó, amalakaawu li aan Fílib: — Uyito ujow ujooŋoo kúñum, uŋa’ bútinabu bájowummuu Yeelusalem boot li ésukayi yata Gaasa. Bútinabu umbu an ájowumeliit li bo.
Fílib li atey ajow akooj esaaletayi, li ajam ánayinaawu li kajangaaku kata éliibalayi yata afulofetawu Esay. Li agel̥l̥enool aanool: — Lúnaanume kulimaku kan ujangawemuu li ko?
Muñeˈe Fílib li ajuk aan li ésukayi yaaneyimuu Asot laam. Fúlum tó, li añaahoo li sísukasu min anaak awaale Hulimahu Hásuumaahu tanootan, boot yok nan áliiŋumuu Sesaale.
Búsukabu foof bo feh li bukaan sifintuyiil li kulimaku kan Fílib alakoyiilumuu elobayi, nan kujantenoolumuu ban li kujuk búhiisenumabu bájaahalenimuu ban alakomuu kakaanaku.
Li ayaan anaak awaale li siluufasu sata kal̥awaku sata kusuwifaku aan Yéesu ammuu Añiilawu ata Ateemit.
Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.
Mata li mal̥egenamu, nan ilakomuu li bukuluul lijoojok li buyinumom kaanaku ifañut min ihaas wah ukee wábute li Yéesu Kilisita, háŋum Yéesu Kilisita abaaŋimuu li ekuluwaayi.
Li mal̥egenamu, bajut huteef hukee huleeteema han an ayilo ateef hábuto li han Ateemit akaan tomuu: hammuu Yéesu Kilisita.