Bakaanelabu 8:30 - Jola-Kasa

³⁰ Fílib li atey ajow akooj esaaletayi, li ajam ánayinaawu li kajangaaku kata éliibalayi yata afulofetawu Esay. Li agel̥l̥enool aanool: — Lúnaanume kulimaku kan ujangawemuu li ko?

Bakaanelabu 8:30 Referencias Cruzadas

Máciya 13:19

An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.

Máciya 13:23

Etaamayi yakonetumuu dán sígulasu silomuu, yo yommuu anawu ajamumuu Hulimahu hata Ateemit, ban li ánaanum ho. Anawu ummu li abaj buloŋ bajake banokoole li kamaano kan kabas kano kubaje ukake’ woono éteemeel, kakee li kubaj woono kúyii kúhaaji, kufaal ko li kubaj woono áyii li kuŋen.

Máciya 13:51

Yéesu li agel̥l̥en kúgoomaku koola aaniil: — Jínaanume ukittenoolumawu unwu feh? Li koonool: — Eéhe’, jínaanume.

Máciya 15:10

Fúlum tó, Yéesu li ahooñul ésukayi min aaniil: — Jijantenom jak ban li jínaanum.

Máciya 24:15

— Mó mújimuu, fan jijuk «Majakutamu Makajenemuu» li mukaani tan ñéyimuu li Eluufayi yata Ateemit. Dañeel ammuu afulofet lalollob mata Majakutamu ummu. (An alakomaa kajanga, laate ánaanum jak yo yommuu waa!)

Maak 13:14

Yéesu li afamen aan kúgoomaku: — Fan jijuk «Majakutamu Makajenemuu» li mulako tin mooteenutumuu mulako, (ban an alakomaa kajanga, laate ánaanum jak yo yommuu waa)! No unnu bukanabuku kammuu kulako li etaamayi yata Súde, koote kutey boot li kuyuuyaku.

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Hulimahu Hásuumaahu loon Saŋ akiic homuu 5:39

Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe!

Bakaanelabu 8:27

Fílib li ayaan ayito ajow. Nan alakomuu ejowayi, li ajuk ánayine akee áfulumulo li etaamayi yata Ecofi. Anáyinaawu ummu lakankaan an áamak li káyiiyaku kata Kandas, ammuu aseekenawu ata jáyiiyaju jata Ecofi. Anáyinaawu ummu an kusenumuu ebajayi yata Kandas aaken, okila babile kamanen Ateemit Yeelusalem.

Bakaanelabu 8:29

Buyinumabu Banabaabu li boon Fílib: — Ujow ukooj esaaletayi inya min unab li yo.

Bakaanelabu 8:31

Anáyinaawu li aanool: — Buu leete ínaanum ko an bakittenutom ko? Nan alobumuu loon muñaˈa aban, li aan Fílib aŋitowul li esaaletayi abil abah akoojool.

Bakaanelabu 8:5

Fílib akila li ajow boot li ésukayi yáamakayi yata Samali, ajow awaale mata Afakenaawu bukanabuku kakin dómuu.

1 Kata Koolent 14:19

Bale Ejanguwayi ewoogumuu, lihaŋe mafañ min ilob kulim hutok bale kan ésukayi ejame min iliikeniil to wah ukee, ínje balobe kulim koono sínjunne kuŋen li silob sahaasuti.

Kata Efées 5:17

Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.

Búhiisenumabu 13:18

To untu, bújallo bugel̥l̥eni tó. An atuukomuu fan ayili ahaas ecobayi inyu yata énuukuleŋayi yákoyileniyaayi yo yomuu waa, mata ecobayi inyu kajaw kata an. Ecobayi yata énuukuleŋayi inyu yo yommuu síteemeel hutok li yano li kúyii kúhaaji li hutok li yano (666).