Bakaanelabu 5:19 - Jola-Kasa Bale li líiŋ li hukahu, amalaka ata Amaaŋenawu li ábabul wámbiilawu wata hukul̥ahu, min akaan kufootalaku kúfu’, ban li aaniil: |
Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.
Nan Suseef áliwomuu, li akaan loon amalakaawu ata Amaaŋenawu aloboolumuu, min aŋa’ Mali alako aseekool;
Nan kánayinaabuku kájallomuu kúbalomuu, amalaka ata Amaaŋenawu li áfu’ Suseef li sísaahut min aanool: — Suseef, uyito uŋa’ añiilawu li jaawool min utey boot li etaamayi yata Ejíf. Ulako bo boot yok nan emmuu li eeni úlaañul; mata Elod fan aŋes añiilawu boot jamuk.
Nan áyiiyawu Elod amojumuu, amalaka ata Amaaŋenawu li áfu’ Suseef li sísaahut li etaamayi yata Ejíf.
Muñeˈe etaamayi li eyaan egoloo ŋáa’. Amalaka ata Amaaŋenawu li áwalowumul li emitayi áŋejul, li abakken hugisaahu akaan li kakaŋ ban li abah li ho.
Muñeˈe amalaka ata Amaaŋenawu li áfu’ Sakali, ban li ayito alaañ kaŋen kúli husilaahu tan ecuulaayayi ésuleyimuu.
Muñeˈe, amalaka ata Amaaŋenawu li áfululiil. Máyiineniyamu mata Amaaŋenawu li mujaaŋeniil múwooñen. Muñeˈe li kúkoli ŋáa’.
Li líiŋ hunak hakee tinak bakel̥e, ewaatuwayi éhaajutayi balehene, Kooluney li ajuk li kahimmo amalaka ata Ateemit feet, ánokenulo boola min aanool: — Kooluney!
Bale amalaka ata Amaaŋenawu li ayaan atek Elod, mata lansaan éehe’ min aŋa’ kasalaku kammuu kata Ateemit. Kuñal li kutiñool, li aket.
Li kuyaan kulako to, etaamayi li egolool ŋáa’ min kuteefaku kuleeteemaaku kata hukul̥ahu kúlilliŋoo. Wámbiilawu feh li uyaan úbabulo, sijenkasu feh sata bukanabuku kan kukul̥umuu li sil̥el̥o.
Mata li mal̥egenamu li ehukaayi yakatenumee síyaat, amalakaawu ata Ateemitawu akilommuu an ilokemuu boot li akila, láfulonfu’
Fúlum tó, amalakaawu li aan Fílib: — Uyito ujow ujooŋoo kúñum, uŋa’ bútinabu bájowummuu Yeelusalem boot li ésukayi yata Gaasa. Bútinabu umbu an ájowumeliit li bo.