Máciya 2:13 - Jola-Kasa

¹³ Nan kánayinaabuku kájallomuu kúbalomuu, amalaka ata Amaaŋenawu li áfu’ Suseef li sísaahut min aanool: — Suseef, uyito uŋa’ añiilawu li jaawool min utey boot li etaamayi yata Ejíf. Ulako bo boot yok nan emmuu li eeni úlaañul; mata Elod fan aŋes añiilawu boot jamuk.

Máciya 2:13 Referencias Cruzadas

Máciya 1:20

Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.

Máciya 10:23

Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.

Máciya 2:12

Fúlum tó, Ateemit li alobiil li sísaahut aaniil jakum kulaañ boot bata Elod. Li kuŋa’ bútin bakee min kulaañ boot booliil.

Máciya 2:14

Mal̥egen Suseef li ayito aŋa’ añiilawu buko li jaawool, min kujow li huk boot Ejíf.

Máciya 2:16

Nan Elod ajukumuu aan kánayinaabuku kájallomuu kubuntoobunt, etindihuuñ yáamak li ejokool. Muñeˈe li aboñ kujow kumuk bañiilabu báyinaabu feh bata ésukayi yata Betilehem, li bata sísukasu sakooj yomuu, kabajumuu simit síl̥uba wálowul teetaam. Lalollob mo naboo li taŋayi yan kánayinaabuku kájallomuu kuloboolumuu, nan ewuutayi éfululumuu.

Máciya 2:22

Bale nan Suseef ajamumuu kaanaku Alikelawus aŋale jáyiiyaju jata atuubawool Elod ájimumuu li etaamayi yata Súde, li ákoli bajow boot bo. Muñeˈe Amaaŋenawu li alob Suseef li sísaahut min ajow boot li etaamayi yata Gálile.

Bakaanelabu 10:22

Kánayinaabuku li koonool: — Li kajawaku kata anahaanawu ata kusollaaliyaku an koonemuu Kooluney, jibilume. Lakankaan an acole, ákoliye Ateemit ban Kusuwifaku feh kulobelob majake kuya li akila. Amalaka ata Ateemit aane Kooluney áboñul bukan kubil kooni ujow boot boola, min ajanten kulimaku kan ommuu li ulobool.

Bakaanelabu 10:7

Nan amalakaawu alakomuu elobayi li akila ajowumuu, Kooluney li áhooñul bukan kúl̥uba li kulokaabuku koola, li akee li kusollaaliyaku koola áyinene li Ateemit ban li afiyo li kuŋenool.

Bakaanelabu 12:11

Fiyeel li akit ánaanum búu jówoolummuu eeno, li aan: — Muñeˈe lihaase een mal̥egen Amaaŋenawu láboñuuboñul amalakaawu oola abil afakenom li kuŋenaku kata Elod, li majakutamu feh man Kusuwifaku kufañeenumuu min mubajom.

Bakaanelabu 12:7

Li kulako to, amalaka ata Amaaŋenawu li ago’ Fiyeel li ejaj min áliwool, ban li aanool: — Uyito cab! Useelawu wan kuŋa’muu min kujenkool li kuŋen, li uyaan úlowul.

Bakaanelabu 16:36

Afooyaawu ata hukul̥ahu li abil aheb Fool aanool: — Kutiibaaku kata Lom kúboñuuboñul kubil koonom ikatenuul. Kama muñeˈe jiyilo jífu’ jijow li kásuumaay.

Bakaanelabu 5:19

Bale li líiŋ li hukahu, amalaka ata Amaaŋenawu li ábabul wámbiilawu wata hukul̥ahu, min akaan kufootalaku kúfu’, ban li aaniil:

Bakaanelabu 7:19

Ayíiyawu li abunt bukanolaal, ban li álaamen situubawolaal sihaan. Li atuuŋiil kúfulenul bañooliil bakitemuu li bubuki kukat tíyaŋ, bájum li kuket.

Búhiisenumabu 12:14

Li kusen anaalaawu ubey úl̥uba wata huwaaluwahu háamakahu min áyit boot li hulakowahu hoola hammuu li kayiinaayaku, bájum li kúkuumenool bó simit síhaaji li húkej, min áloyi enuukayilaayi.

Búhiisenumabu 12:4

Ejúnfuulayi li eŋa’ huwetahu hata yo min ewuuwul bano li ugebawu úhaaji wata bawuutabu bammuu li emitayi, ébetenul li etaam. Li ejow eyito tan anaalaawu ajowemuu boot kanokenaku alakomuu, bánum li eyaan ejok añiilawu oola eme’ nan ammuu abuki.

Búhiisenumabu 12:6

Anaalaawu okila li atey boot bata kayiinaayaku, ban Ateemit akaanoolumuu hulako, bánum li kúkuumenool bo kunak koono énjunne li síteemeel síl̥uba li kúyii kúhaaji.