Bakaanelabu 3:21 - Jola-Kasa Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe. |
Kánayinaabuku kúl̥ubaaku li kooniil: — Kánayinaabuke káfummulomuu Gálile, kama wáa újiye li joono taatu li kal̥uyo haatiya emitayi? Yéesu ummu, an Ateemit aŋa’muu li bukuluul ájowetum boot li emitayi, fan abil álaañul foof manolamu loon jijukoolumuu li ajow boot ló.
Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.
Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.
Jikaan momuu, Amaaŋenawu Ateemit fan asenuluul taŋ yata kayool̥o, ban fan aboñuluul Afakenaawu an afimmuu min al̥useene boot li bukuluul, ammuu Yéesu.
búwuwenumabu humum bo fan bubil bufak li kuŋen kata sembaasu sata kakajenaku sajok bomuu sikaan amiikeel, min bo foof bulako li máyiineniyamu mata bañiilabu bata Ateemit.
Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.
Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.
Bale awu Jamit, ésuumansuum elako li awu mata min ésukayi eniilomuu! Esúumansuum elako li bukuluul, jammuu bukanabuku kata Ateemit, bukuluul kufootalaku, mata Ateemit latittiib ésukayi inyu, mata min élaamenuulumuu.»
Fúlum tó, amalakaawu li aanom: — Kulimaku unke kulim káwooluwe ban kata mal̥egen. Amaaŋenawu, láboñuuboñul amalakaawu oola abil alob kulokaabuku koola wahawu wammuu li ubaj ban let fiyo.