Bakaanelabu 3:19 - Jola-Kasa

¹⁹ Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Bakaanelabu 3:19 Referencias Cruzadas

Máciya 13:15

Mata bukanabuku umbuku kuhokenhoken uyinumiil min kuhoy bajam. Kutottoj sijaniil, kúmimmib kúkiliil, jakum bil kúkiliil kujuk, jakum bil sijaniil sijam, jakum bil kúnaanum li uyinumiil. Jakum bil eeni kukomenkomen kúlaañul boot búmbaam min ifakeniil.

Máciya 18:3

min aaniil: — Li mal̥egenamu fan ilobuul, jikatut bomuu bóonowabu booluul min jilaañ jinokoo loon bañiil batit, let jinoken li Jáyiiyaju jata Ateemit.

Hulimahu Hásuumaahu loon Lík akiic homuu 1:16

Fan álaañenul kuñiil kameeŋe kata Isilayeel boot bata Amaaŋenawu Ateemit ooliil.

Hulimahu Hásuumaahu loon Lík akiic homuu 22:57

Bale Fiyeel li aceeŋ min aan anaalaawu: — Ihaasutool.

Bakaanelabu 1:6

Muñeˈe nan Kufootalaku kuwoog tomuu li Yéesu, li kugel̥l̥enool koonool: — Amaaŋen, muñeˈe lóomimuu li uyiten jáyiiyaju jata Isilayeel?

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 11:21

Sembaasu sata Amaaŋenawu li buko silakowe, mó lí múji bukan kameeŋe li kúyinen, min kútiiwo kunab li Amaaŋenawu.

Bakaanelabu 15:3

Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.

Bakaanelabu 17:26

Li an ano Ateemit áwuwenummuu bukanabuku feh, min akaaniil kukin li etaamayi feh. Okila alobumuu buu taŋayi yóomi li efiyo le, ban li akaan sígaatulasu sata ban kommuu li kukin.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 28:27

Mata bukanabuku umbuku kufañut kúnaanum. Kutottoj sijaniil, li kúmib kúkiliil, jakum bil kúkiliil kujuk, jakum bil sijaniil sijam, jakum bil kúnaanum li uyinumiil, Letumuu mo fan kútiiwowul boot búmbaam min ifakeniil.»

Bakaanelabu 3:20

Jikaan momuu, Amaaŋenawu Ateemit fan asenuluul taŋ yata kayool̥o, ban fan aboñuluul Afakenaawu an afimmuu min al̥useene boot li bukuluul, ammuu Yéesu.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

2 Kata Tesalonik 1:10

Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.

2 Kata Tesalonik 1:7

ban bukuluul jammuu li sílaam fan asenuul kayool̥o, li áloli foof. Fan akaan wahawu unwu nan Amaaŋenawu koola ló kata sembe.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

1 Fiyeel 2:25

Li mal̥egenamu, bukuluul jinokooleenokoo loon kúgalalaan kájime, bale muñeˈe jílaañulo boot bata amataawu ooluul afooyemuu li bukuluul.

2 Fiyeel 3:8

Kutuyom kan iboolaat, baje wah wano wan jootut jimojen: li Amaaŋenawu, hunak hano hunokoonokoo loon simit soon énjunne, ban simit soono énjunne li sinokoo loon hunak hano.

Búhiisenumabu 21:4

Fan átil̥ muhuuwamu mooliil feh li kúkiliil. Eket let elaañen ebaj, ñíkul foof let ñibaj. An let al̥okoo, an let abaj foof sílaam. Mata, wahawu feh uhaanawu fan újim.»