Kata Lom 8:21 - Jola-Kasa

²¹ búwuwenumabu humum bo fan bubil bufak li kuŋen kata sembaasu sata kakajenaku sajok bomuu sikaan amiikeel, min bo foof bulako li máyiineniyamu mata bañiilabu bata Ateemit.

Kata Lom 8:21 Referencias Cruzadas

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

Kata Lom 8:30

Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

1 Kata Koolent 15:42

Muñowu emmuu li bil nokoo nan kaketumuu kommuu li kuyitowumul li eketayi. Eniilayi ehokimuu li etaam, ekankaan eniil yakajene. Nan yommuu li eyitowumul li eketayi, li ekaan eniil yayilaat ekajen.

Eébulo 12:27

Kulimaku unke «Fan ilaañen» kúhihhiis kaanaku wahawu wáwuwenimuu fan úlilliŋeni ban fan ubil újim, min wahawu wayilaatumuu úlilliŋeni bale usaŋo to.

2 Fiyeel 3:13

Fan ukobaal emitayi yawunkulayi li etaamayi yawunkulayi yan Ateemit alobumuu kakaan, dán macole móomi li mubaj.

Búhiisenumabu 21:1

Fúlum tó, li ijuk emit yawunkul li etaam yawunkul. Emitayi yátinaalayi li etaamayi yátinaalayi síjinjim, ban hándiinaam hulaañenut hubaj.