Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.
Bakaanelabu 24:5 - Jola-Kasa Jijuujuk joon ánayinaawu ummu busik. Lájiji Kusuwifaku feh kammuu tanootan li adunaayi li kúguul̥oo, akila ammuu anahaanawu ata hujojahu hata Kunasaleyeŋaku. |
Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.
Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»
— Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi. Awu ommuu Anawu anabaawu an Ateemit áboñulumuu.
Nan kúliiŋumuu, li kútoŋ kúmal kukaan Yéesu koon: — Jitootook ánayinaawu umme okila li kakaan ésukayi égugguloo. Laaniisaan jakum kuhal báhalabu bata áyiiyawu áamakawu, ban li aan okila humumool ammuu Afakenaawu, áyiiyawu ooliil.
Mal̥egen li akaten anawu an kufañumuu min ákatenuliil, an kukul̥umuu mata búgugguloo li mata jamuk an, min aseniil Yéesu kujow kukaan loon súumiilumuu.
Bale bukanabuku li kuhaŋ malob li sembe koon: — Lakaanekaan ésukayi égugguloo li baliikenelabu boola. Li etaamayi yata Gálile látoŋumulo, álowul li yata Súde. Muñeˈe láliiŋulo taate.
Bale kukee li bukanabuku kata hujojahu hata kufaaliisiyeŋaku káyinenumuu, li kuyito min koon: — Fan jiteyen búkut bukanabuku feh káyinenumuu li Yéesu kaletumuu kusuwif, ban li jooniil kukaan loon eluwaayi yata Móyiis elobumuu.
Li kunaak kulob butiya koon: — Isilayeel, jíwaakenul jílambenoli! Ayínaawu umme awaaleˈemuu tanootan bukanabuku feh majakut aya li ésukayi yata Isilayeel, li eluwaayi yata Móyiis, li eluufayi inye yata Ateemit! Ban muñeˈe lamite akaan bukan kata Gilees kúnokenul li eluufayi yata Ateemit, min kusik eluufayi inye yáñeyimuu!
Búsukabu li bujanten kale Fool min alob boot yok nan alobumuu kulimaku unku. Muñeˈe li kunaak kulob butiya koon: — Anáyinaawu ummu laate aniileni li etaamaye! Aatut aloŋ!
Bale boot eeni wahawu unwe wo mal̥egen: li bútinabu buwunkulabu ban kujokumuu loon bulet mal̥egen, linabe. Ban li eeno li bulok boot li Ateemit ata situubawolaal sihaan. Líyinenyinen li wahawu feh wakiicimuu li éliibalayi yata Eluwaayi.
Nan Fool áliiŋulomuu, Kusuwifaku kabilumulomuu Yeelusalem, li kúguutool min kulob wah wajakut wameeŋe, wákoyileniye kuya li akila min koon okila akaan wo. Ban buko humumiil kuyilaat kúhiis kaanaku mal̥egen okila akaan wo.
Fiyowe nan kuhaasom ban kuyilo kulob, buko bafañe, kaanaku lilolloŋ loon hujojahu hahaŋumuu majok jak bútinabu bóololi hulobumuu, hammuu hata Kufaaliisiyeŋaku.
Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.
Muñeˈe álambaawu áamakawu li kanabumuu li akila, kammuu li hujojahu hata Kusaduusiyeŋaku, li kutiga kufootalaku. Li kujamoo min kúlaamen kufootalaku.
Li kulaañen foof kúŋalul bukan, kanaake kúmal kuya li Ecen koon: — Anáyinaawu ummu akatut elob kulim kajakut aya li eluufayi yata Ateemit yanabaayi, li eluwaayi yata Móyiis!
(Wáa úji? Li mal̥egenamu, éetiseeti baj bugiiloo li bukuluul, mantee bukanabuku káyinenumuu li mal̥egen li kuhaasi.)
Kulobumuu kulim kajakut kuya li áloli, li jilob li buko súum. Boot yok muñeˈe, bukanabuku kújokolijok loon hin buwuuwumabu bata adunaayi, áloli jihine jommuu mabojamu mata adunaaye.