Hulimahu Hásuumaahu loon Lík akiic homuu 23:5 - Jola-Kasa

⁵ Bale bukanabuku li kuhaŋ malob li sembe koon: — Lakaanekaan ésukayi égugguloo li baliikenelabu boola. Li etaamayi yata Gálile látoŋumulo, álowul li yata Súde. Muñeˈe láliiŋulo taate.

Hulimahu Hásuumaahu loon Lík akiic homuu 23:5 Referencias Cruzadas

Máciya 11:1

Nan Yéesu akittenumuu kulimaku unku kúgoomaku aban, li áfulum tó ajow aliiken bukanabuku mata Ateemit ban li awaale li sísukasu sata halaabahu unhu.

Máciya 2:1

Yéesu li abuki li ésukayi yata Betilehem, li etaamayi yata Súde, nan Elod alako nomuu áyii. Muñeˈe kánayine kájallowe, li kubilumul akiw min kujow boot Yeelusalem.

Máciya 27:24

Nan Filat ajukumuu aan ayilaat to wahoowah, ban búsukabu li buhaŋ máguul̥oo, li aŋa’ mal min afos kuŋenool hákil búsukabu ban li aan: — Butumom bulet li eketayi yata ánayinaawu ummu. Bowuul bo!

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Maak 1:14

Muñeˈe nan Elod ajokumuu Saŋ akul̥ fú’ tó, Yéesu li ajow boot li etaamayi yata Gálile, min awaale bo Hulimahu Hásuumaahu hata Ateemit.

Hulimahu Hásuumaahu loon Lík akiic homuu 11:53

Nan Yéesu áfulum tómuu, kaliikenemuu ésukayi eluwaayi yata Móyiis li kufaaliisiyeŋaku li kul̥eetool ŋáa’, min kookenool to min kunaak kugel̥l̥enoolool waleewalet.

Hulimahu Hásuumaahu loon Lík akiic homuu 23:23

Bale búsukabu li jooŋoo to min buhaŋ mahanken min bulob butiya boon, Yéesu laate abaaŋi li ekuluwa. Húcuhahu hooliil li hulamool.

Hulimahu Hásuumaahu loon Lík akiic homuu 23:6

Nan Filat ajamumuu li kúl̥imen etaamayi yata Gálile, li agel̥l̥en aan: — Anáyinaawu ummu an ata etaamayi yata Galile?

Hulimahu Hásuumaahu loon Saŋ akiic homuu 1:43

Li líiŋ hunak hukaten, Yéesu li ajok mata min ajow boot li etaamayi yata Gálile. Nan alakomuu ejowayi, li áfimboo li Fílib. Li aanool: — Unábul lí ínje.

Hulimahu Hásuumaahu loon Saŋ akiic homuu 19:15

Bale Kusuwifaku, li kuhaŋ malob butiya koon: — Aket! Aket! Ubaaŋool li ekuluwa! Filat li aaniil: — Waa, ibaaŋ áyiiyawu ooluul li ekuluwa? Kunahaanaku kata élambaayi li koonool: — Jibajut áyii akee ábute li áyiiyawu áamakawu!

Hulimahu Hásuumaahu loon Saŋ akiic homuu 2:11

Búhiisenumabu umbu ban Yéesu akaanumuu li ésukayi yata Kaana yammuu li etaamayi yata Gálile, bo bommuu búhiisenum bútinaa bájaahaleniye, li waawu feh wan akaanumuu. Muñowu láhiisummuu ésukayi máyiineniyamu moola. Muñeˈe kúgoomaku koola li kúyinen li akila.

Hulimahu Hásuumaahu loon Saŋ akiic homuu 7:41

Kaabuku li koon: — Okila ammuu Afakenaawu. Bale kukee li koon: — Afakenaawu layilo fíle abilumul li etaamayi yata Gálile?

Hulimahu Hásuumaahu loon Saŋ akiic homuu 7:52

Li koonool: — Inti awu foof an ata etaamayi yata Gálile? Uŋes li Bakiicelabu, fan ujuk oon bilut baj afulofet abilumulo li etaamayi yata Gálile. [

Bakaanelabu 10:37

Jihaase wahawu wabajumuu li etaamayi feh yata Súde, wákitummuu li etaamayi yata Gálile, nan Saŋ abanumuu kawaale bukanabuku aaniil kujow kúbatiiseyiil.

Bakaanelabu 23:10

Búwonnoolabu li buhaŋ másuf, gay anahaanawu ata esollaaliyayi li ákoli min kuban li kulinculoo Fool. Muñeˈe li alob esollaaliyayi yoola min kujow kúfulen Fool li tutayi yata búsukabu, kujow kukaan li hukinahu hata esollaaliyayi.

Bakaanelabu 5:33

Nan kata hujojahu háamakahu kujamumuu kulimaku unku, kuuñiil li kulit. Li kufañ min kumuk kufootalaku.

Bakaanelabu 7:54

Nan bukanabuku kata hujojahu háamakahu kujamumuu kulimaku unku, etindihuuñ yáamak li ejokiil li Ecen.

Bakaanelabu 7:57

Li kúluulen butiya, ban li kutoj sijaniil. Li kúteyoolul li mano feh boot li Ecen.