Bakaanelabu 6:13 - Jola-Kasa

¹³ Li kulaañen foof kúŋalul bukan, kanaake kúmal kuya li Ecen koon: — Anáyinaawu ummu akatut elob kulim kajakut aya li eluufayi yata Ateemit yanabaayi, li eluwaayi yata Móyiis!

Bakaanelabu 6:13 Referencias Cruzadas

Máciya 24:15

— Mó mújimuu, fan jijuk «Majakutamu Makajenemuu» li mukaani tan ñéyimuu li Eluufayi yata Ateemit. Dañeel ammuu afulofet lalollob mata Majakutamu ummu. (An alakomaa kajanga, laate ánaanum jak yo yommuu waa!)

Máciya 26:59

Muñeˈe huhaanaahu hata élambaayi li Huhaanaahu hata Kusuwifaku, li kuŋes bukan kayilo kúmal kuya li Yéesu bájum li kuyili kumukool.

Bakaanelabu 21:28

Li kunaak kulob butiya koon: — Isilayeel, jíwaakenul jílambenoli! Ayínaawu umme awaaleˈemuu tanootan bukanabuku feh majakut aya li ésukayi yata Isilayeel, li eluwaayi yata Móyiis, li eluufayi inye yata Ateemit! Ban muñeˈe lamite akaan bukan kata Gilees kúnokenul li eluufayi yata Ateemit, min kusik eluufayi inye yáñeyimuu!

Bakaanelabu 25:8

Bale Fool li acahenoolo aan: — Ifetut li wahoowah li eluwaayi, ifetut foof li áyiiyawu áamakawu.

Bakaanelabu 6:11

Muñeˈe li kucaam kánayine min kánayinaabuku koon: — Jijamoojam li agel Móyiis li Ateemit!

Bakaanelabu 7:58

Li kuñak Ecen kúfuletum tíyaŋ ésukayi, min kuŋa’ kuyitik min kutekool kumuk. Kamaatumuu li kúfulen wañawu wooliil kuwalen li kootaku kata áfu’ akee an koone Sóol.

Eébulo 7:12

Mata li mal̥egenamu jílambaju jíbutoomuu, yo yommuu eluwaayi foof fan ébuti.