«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.
Bakaanelabu 22:1 - Jola-Kasa — Kutuyom li situubawom, muñeˈe jijanten wahawu wan emmuu li ilobuul min icahenoolo. |
«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.
Jihaas li uyinumuul jak joon jootut jiyinoo jíkibben mata kulimaku kan jóotimuu jilob min jicahenoolo.
«Kutuyom, bukuluul jammuu bubukoolumabu bata Abulaham, li bukuluul jamanenemuu Ateemit: alolaal Ateemit áboñulomuu Hulimahu unhu hata kafakaku.
Muñeˈe li baj ánayine akee an koone Alekusandul, an Kusuwifaku kunaake kutuuñen ayab kayooŋ. Kukee li búsukabu li kukittenool mabajumuu, li áyiit kaŋenool min afañeen alob li búsukabu.
Muñeˈe Fool li ajuke bukanabuku kata hujojahu súy aban li aaniil: — Kutuyom, li buyinumom ifetut min éemimuu li bulok boot li Ateemit boot yok síyaat.
Fool lahaase aan bukanabuku kammuu li hujojahu háamakahu, kukee li buko Kusaduusiyeŋ; mó lí múji li alob butiya hákil hujojahu háamakahu aan: — Kutuyom, ínje Afaaliisiyeŋ leem, ban li éemi foof añiil ata kufaaliisiyeŋ. Min íkangummuu li kayitowulaku kata bukanabuku li eketayi, mó mújimuu li eenoyi li batiib.
Muñeˈe águubelunaalawu li áyiit Fool kaŋen min aanool álobul. Fool li aan: — Lihaase een muñeˈe baje simit nan óomi atiibaawu ata etaamayi inye. Mó mújimuu, li kákangumaku kan ibajumuu li awu, léetummuu ilob kulimaku unke min icahenoolo.
Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.
Bale Fool li acahenoolo aan: — Ifetut li wahoowah li eluwaayi, ifetut foof li áyiiyawu áamakawu.
Emmuu Fool muñowu lalobumuu min acahenoolo, Fésitiis li abaŋulowool aan: — Fool, awu luwewwel! Wahawu wan uliikenumuu umemmeeŋ, gay li uweleni!
Nan jeˈe bajumuu kunak kúhaaji, Fool li ahooñ boola kunahaanaku kata Kusuwifaku kata Lom. Nan kuwoogumuu li aaniil: — Kutuyom, maayeet min ikaanutumuu bukanolaal wah wajakut, mantee foof li múkaaniinamu mata situubawolaal sihaan, li kujokom Yeelusalem kubet li kuŋen kata kata Lom.
Ecen li aaniil: — Kutuyom li situubawom, jijantenom. Ateemit ata máyiineni, láfuffu’ atuubawolaal ahaan Abulaham, nan alakomuu li etaamayi yata Mesofotami, tówum ajow akin Haalaŋ.
Fan kúhiisum to kaanaku bakaanelabu ban eluwaayi efañumuu, bukiicikiic li uyinumawu wooliil. Uyinumawu wooliil ulollob wahawu wanolawu, ban uyinoolawu wooliil li unaak wooniil nakee kukaanut jak, naanu li wooniil kukankaan jak.
Fiyowe nan bukuluul jiyinoole li joon áloli kacahenoolo jóomi li ko hákiluul. Let mo! Alóli hákil Ateemit jóomi li elob, jówum li hujokoolahu hóololi li Kilisita. Kufaalom kan iboolaat, wahawu wan áloli jilobumuu, jilobuulob wo boot kaliten káyinenaku kooluul.
Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.
Kaabuku búhaŋoo bújiyiilumuu li kunaak kuwaale mata Kilisita. Buko umbuku uyinoolawu wooliil ucolut. Kayinooliil ko kommuu min kufamen sílaamasu súmbaam li hukul̥ahe.
Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.
Nan icahenoolomuu bútinaalabu li hutiibahu, anoowan alambenutom: bukanabuku feh kubetombet búsol. Ateemit ajow abonketiil.
Jihaas li uyinumuul kaanaku Kilisita anabumuu, ammuu Amaaŋenawu. Joote jifale nanoonan jikat to, mantee an agel̥l̥enuulumuu wáa újiye li jibaj káyinenaku kan jookumuu, li jiyili jilobool mata ko.