Bakaanelabu 23:1 - Jola-Kasa

¹ Muñeˈe Fool li ajuke bukanabuku kata hujojahu súy aban li aaniil: — Kutuyom, li buyinumom ifetut min éemimuu li bulok boot li Ateemit boot yok síyaat.

Bakaanelabu 23:1 Referencias Cruzadas

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Bakaanelabu 22:1

— Kutuyom li situubawom, muñeˈe jijanten wahawu wan emmuu li ilobuul min icahenoolo.

Bakaanelabu 22:30

Anahaanawu ata esollaaliyayi li afañeen min ahaas jak wáa újimuu Kusuwifaku li kul̥oof Fool. Muñeˈe li líiŋ hunak hukaten, li alob min kúl̥el̥ul Fool, ban li ahooñ bajoj kunahaanaku kata élambaayi li hujojahu háamakahu hata Kusuwifaku, aban li áŋalul Fool abil akaan hákiliil.

Bakaanelabu 22:5

Alámbaawu áamakawu li huhaanaahu feh hata ésukayi, ibil iseniil kutek.

Bakaanelabu 23:15

Kama muñeˈe bukuluul, li hujojahu háamakahu feh hata Kusuwifaku, jilob anahaanawu ata esollaaliyayi min áŋaluluul Fool, min lako jifanfañ min jilaañen jítaluloo moola jak. Alóli húmumoli jifaleˈe mata min jimukool átowum áŋejul taate.

Bakaanelabu 23:20

Añiilawu li aanool: — Kusuwifaku kujamoojamoo boot min kubil kul̥awi min újowetum Fool kajom hákil hujojahu háamakahu. Fan kuban li kukaan loon hujojahu hufañe min hútaluloo jooŋ mata Fool.

Bakaanelabu 23:28

Emmuu lifañenfañ min ihaas waa Kusuwifaku kujuke li akila wajakut, li iŋalool íjowetum bata hujojahu hooliil háamakahu.

Bakaanelabu 23:6

Fool lahaase aan bukanabuku kammuu li hujojahu háamakahu, kukee li buko Kusaduusiyeŋ; mó lí múji li alob butiya hákil hujojahu háamakahu aan: — Kutuyom, ínje Afaaliisiyeŋ leem, ban li éemi foof añiil ata kufaaliisiyeŋ. Min íkangummuu li kayitowulaku kata bukanabuku li eketayi, mó mújimuu li eenoyi li batiib.

Bakaanelabu 24:16

Mó mújimuu, li eeno nanoonan li kahanken min ikaan buyinumom jak hákil Ateemit li hákil bukanabuku.

Bakaanelabu 6:15

Muñeˈe bukanabuku feh kalakomuu li Hujojahu háamakahu, li kuŋa’ kúkiliil feh kuya li Ecen. Li kujuk koon buulabu bata Ecen bunokoonokoo loon bata amalaka.

1 Kata Koolent 4:4

Li mal̥egenamu, bajut wah wan éemum li iwatatenoolo, bale inti wahawu unwu wommuu li úji li eeni ibajut butila. Amaaŋenawu okila ammuu li atiibom.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.

Eébulo 13:18

Jinaak jil̥aw boot li áloli. Alóli jíwooluwe kaanaku jibabbaj buyinum basete, mata jifañe min jiloŋ buloŋ bajake li wahoowah feh.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.