2 Kata Koolent 7:11 - Jola-Kasa

¹¹ Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

2 Kata Koolent 7:11 Referencias Cruzadas

Maak 3:5

Yéesu li ajukeliil foofiil feh mawuñete. Li jokool foof ŋáa’ min kubajumuu uyinoo wajakut. Muñeˈe li aan ánayinaawu: — Ulaaw kaŋenaku kooli! Mal̥egen ánayinaawu li alaaw kaŋenaku, li kuyaan kufak.

Hulimahu Hásuumaahu loon Saŋ akiic homuu 2:17

Muñeˈe kúgoomaku koola li kuwayil̥o kulimaku unke kata Bakiicelabu: «Ateemit, hufañahu ŋáa’ han ifañumuu eluufayi yooli, fan humukom.»

Bakaanelabu 17:16

Nan Fool alakomuu kakobaku kata Silaas buko li Tímote li ésukayi yata Ateen, li ajuk kaanaku ésukayi ememmeeŋ kuteemit kalet mal̥egen, súumutool li buyinum maayeet.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Lom 14:18

An alokumuu boot li Kilisita loon muñaˈa, fan ásuum Ateemit ban bukanabuku fan kufañool.

Kata Lom 3:5

Bale nokoomuu loon mácolaatiyamu moololaal mommuu li múji macolamu mata Ateemit li muhaŋ majuki, fan oonaal buu? Inti Ateemit fan alako Ateemit acolut okila batekewolaal li etindihuuñayi yoola? (Lilollob loon an elobemuu.)

1 Kata Koolent 12:25

Lakankaan mo jakum bil baj bugiiloo li eniilayi, bale ugebawu unwu feh wábutoomuu, ulambenoolambenoo.

1 Kata Koolent 5:13

Bukanabuku káyinenutumuu li Yéesu, Ateemit ammuu li atiibiil. Jífulen li tutooluul anawu ál̥afutumuu.

1 Kata Koolent 5:2

Buyina booteene bujokuul, min jikesoo anawu ummu ákaanikoomuu áfu’ li bukuluul, bale jikaanut mo min bukuluul jinaak jiteben ubanduul.

2 Kata Koolent 13:7

Alóli jil̥awe Ateemit jakum bil bukuluul jikaan wah wajakut. Let mantee jifanfañ min jíhiisuul kaanaku áloli jikooŋe, bale jifañe min bukuluul jikaan majake, maayeet min kite nokoo loon áloli jíhihhiis kaanaku jibajut káyinen.

2 Kata Koolent 2:6

Kawatatenaku kan bukan kameeŋe li bukuluul kuwatatenumuu anawu ummu kufite boot li akila.

2 Kata Koolent 6:4

Bale, li wahawu feh wan áloli jikaanemuu, jíhihhiis kaanaku áloli húmumoli kuloka joom kata Ateemit, jówum li húmuñ háamak hata sílaam, hata buyok, li hata buyina.

2 Kata Koolent 7:1

Kufaalom kan iboolaat, emmuu Ateemit lalobe kasenolaal wahawu unwu feh, kama lootaale usetenoolaal alolaal humumolaal, min úfulaal li wahoowah feh wayilo usik eniilayi yoololaal li buyinumabu boololaal. Uhankenaal min uhabelaal ulakowaal li mal̥egen bukan kanabe li kákoli kata Ateemit.

2 Kata Koolent 7:7

Ban inti ebilayi yata Tit bale éwankulenoli, bale min álobolimuu buu bukuluul jiwankulenoolumuu eeno akila humumool. Lálobolilob buu bukuluul jifañumuu ŋáa’ min jilaañen jijukom. Li áloboli foof mata jíl̥okoolaju jooluul, li buu jibajumuu káyikil̥o kata kalaañ búmbaam hákil kulatoolawom. Wahawu unwu feh ukaanonkaan min ihaŋ mabaj ésuumahukow.

2 Kata Koolent 7:9

Bale muñeˈe ínje ummu li ésuumansuum, ban inti mata min ikaanuulumuu buyina jíye, bale min buyinaabu bújiwuulumuu li jítiiwo jibet búsol buloŋabu booluul bajakutumuu, min jibaj buloŋ buwunkul. Buyinaabu booluul bunannab li húnongumahu hata Ateemit. Wahawu unwu újimuu, áloli jikaanutuul majakut manooman.

2 Kata Koolent 9:2

Lihaase buu jikaan tomuu uyinumuul li kalambenaku, ban li isaloolo humum hooluul hákil kata Maseduwaan, min eeniil: «Kutuyolaal kammuu li etaamayi yata Akaay, kábilum hútiim kufaleˈe boot kasen.» Kahankenaku kooluul kújiji bukan kameeŋe li buko li kufañ min kusen.

Kata Efées 4:26

Jiwuñetumuu, jakum jikaan kahoofoo. Jakum banakabu bulo, bukuluul baloŋe li jiwuñet.

Kata Efées 5:11

Jakum butumuul bóomi ló li wahawu wakaaneyimuu li élimayi, wabajutumuu jáliŋ, bale joote jilob kaanaku ujakut, hákil bukanabuku feh.

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

1 Kata Tesalonik 4:6

Mo emmuu, jakum an abunt atuyool, jakum foof ágecool li wahoowah. Loon jilobuul nomuu ban li jilaañen jilobuul mo, Amaaŋenawu fan atek bukanabuku feh kakaanemuu loon muñaˈa.

1 Tímote 5:20

An akaanumuu kahoofoo, uwatatenool hákil ésukayi feh mantee kaabuku li kúkoli kakaan kahoofoo.

2 Tímote 2:15

Ukankaanoo awu humumi mantee Ateemit li ajoki an acole, min ajoki loon aloka asuuwut bulokabu ban akaanemuu, awaaleˈe col hulimahu hata mal̥egenamu.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

1 Fiyeel 1:17

Emmuu jilakomuu kal̥aw li jihooñ Ateemit «Faafa», atiibemuu bukanabuku feh bajukelut li buul, naboo li wahawu wan anoowan akaanumuu, kama joote jiloŋ li ekole ló nan jommee baabe li etaam loon ejawoola.

1 Fiyeel 2:2

Jifañ miilamu masetaamu mata Hulimahu hata Ateemit, loon bañiil bakite li bubuki, bájum li jihob mo li jank min jifak,

Eleetalayi yan Súd akiicumuu 1:23

Jílamul kukee li buko li sambunasu min jifakeniil. Kaabuku li jíyiyeniil, bale li ekole ló, ban li jíkaanum jakum bil jigo wañawu wooliil wan bakaanelabu booliil bajakutumuu, bubojenumuu.

Búhiisenumabu 3:19

Injé fan italen ban li icolen bukanabuku feh kan ifañumuu. Mó mújimuu, loote ukaan manooman, min útiiwo uŋa’ buloŋ buwunkul.