2 Tímote 4:16 - Jola-Kasa

¹⁶ Nan icahenoolomuu bútinaalabu li hutiibahu, anoowan alambenutom: bukanabuku feh kubetombet búsol. Ateemit ajow abonketiil.

2 Tímote 4:16 Referencias Cruzadas

Maak 14:50

Muñeˈe kúgoomaku feh li kukat to Yéesu min kutey kuwuj.

Hulimahu Hásuumaahu loon Lík akiic homuu 12:11

«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.

Hulimahu Hásuumaahu loon Saŋ akiic homuu 16:32

Ehee’, waatuwayi inyu li ebil, ban efin min éliiŋulo eban, nan kommuu li kukaanuul jiyiisoo, anoowan li ajow boot boola min jikatom to balewom. Bale li mal̥egenamu ilet balewom, mata Atuubaawu ummu lí ínje.

Bakaanelabu 22:1

— Kutuyom li situubawom, muñeˈe jijanten wahawu wan emmuu li ilobuul min icahenoolo.

Bakaanelabu 25:16

Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

1 Kata Koolent 13:5

Húbooli ákaanoliit wah wasuuneniye, húbooli áŋeseliit majake moola bale, húbooli áwuñeteliit, áŋaleliit an atilene akaan li huuñool.

1 Kata Koolent 9:3

Muñeˈe licahenoolowemuu hákil bukanabuku kawatatenewommuu:

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

Kata Fílib 1:17

Kaabuku búhaŋoo bújiyiilumuu li kunaak kuwaale mata Kilisita. Buko umbuku uyinoolawu wooliil ucolut. Kayinooliil ko kommuu min kufamen sílaamasu súmbaam li hukul̥ahe.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

2 Tímote 1:15

Loon uhaasumuu, bukanabuku feh kata etaamayi yata Aasi kubetombet búsol, ban Fiseel li Elimosen bukomuu.

2 Tímote 4:10

Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.

2 Tímote 4:15

Awu humumi foof úkaanum moola, mata lacenceeŋ li kabane kulimaku kan áloli jiwaalemuu.

1 Fiyeel 3:15

Jihaas li uyinumuul kaanaku Kilisita anabumuu, ammuu Amaaŋenawu. Joote jifale nanoonan jikat to, mantee an agel̥l̥enuulumuu wáa újiye li jibaj káyinenaku kan jookumuu, li jiyili jilobool mata ko.