Kata Fílib 1:17 - Jola-Kasa

¹⁷ Kaabuku búhaŋoo bújiyiilumuu li kunaak kuwaale mata Kilisita. Buko umbuku uyinoolawu wooliil ucolut. Kayinooliil ko kommuu min kufamen sílaamasu súmbaam li hukul̥ahe.

Kata Fílib 1:17 Referencias Cruzadas

Hulimahu Hásuumaahu loon Lík akiic homuu 21:14

Jihaas li uyinumuul jak joon jootut jiyinoo jíkibben mata kulimaku kan jóotimuu jilob min jicahenoolo.

Bakaanelabu 22:1

— Kutuyom li situubawom, muñeˈe jijanten wahawu wan emmuu li ilobuul min icahenoolo.

Bakaanelabu 26:1

Agilifa li aan Fool: — Luyilo ulob min ucahenoolo. Muñeˈe Fool li ateb kaŋenool min acahenoolo li kulimaku unke:

Bakaanelabu 26:24

Emmuu Fool muñowu lalobumuu min acahenoolo, Fésitiis li abaŋulowool aan: — Fool, awu luwewwel! Wahawu wan uliikenumuu umemmeeŋ, gay li uweleni!

Kata Lom 2:8

Bale Ateemit fan áhiis etindihuuñayi yoola li bal̥eetabu boola bukanabuku káhoogulewoolumuu, ban li kuhoy banab li mal̥egenamu min kunaak kunab li bakaanelabu bacolutumuu.

Kata Fílib 1:18

Kama waa? Uyinoolawu wooliil újakaatiwoo li újakoo, kaan min kaane kuwaaleye mata Kilisita bukanabuku. Wahawu unwu úsuumommuu ban fan unaak foof ukaanom ésuumansuum.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Fílib 2:3

Jakum jikaan wah li kayinoo kata búhaŋoo, mantee foof boot huŋes kasal kabajut jáliŋ, bale li kawalenoolo, jijok bukan kaabuku loon kuhaŋuuhaŋ.

1 Tímote 2:7

Mó mújimuu Ateemit li al̥usom min akaanom ayiiŋena li afootal, boot kaliiken bukanabuku kaletumuu kusuwif mata káyinenaku li Yéesu Kilisita li mal̥egenamu. Imálut, mal̥egen lilobe.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

2 Tímote 4:16

Nan icahenoolomuu bútinaalabu li hutiibahu, anoowan alambenutom: bukanabuku feh kubetombet búsol. Ateemit ajow abonketiil.