Bakaanelabu 13:25 - Jola-Kasa Nan Saŋ alakomuu li aban bulokabu boola, li anaak aan: “Li kayinooluul, ínje emmuu ayi? Ilet anawu an jikobemuu li akila. Bale jijanten: anawu ummu fan abil búsolom, ban ínje humumom itookut min il̥el̥ uneewawu wata sidallaasu sata kootaku koola.” |
Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.
Li anaak aan búsukabu: — Akee ummu li abil búsolom ahaŋom sembe. Itookut min ísiten min il̥el̥ uneewawu wata sidallaasu soola.
Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.
Ban ínje humumom lijuke wahawu unwu li kúkilom, ban leene ánayinaawu ummu ammuu Añiilawu ata Ateemit.
Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.
An álobummuu li kajaw koola akila humumool, kasaloolo laŋese. Bale an aŋesumuu kasal kata anawu áboñuloolumuu, anawu ummu an ata mal̥egen, ban búhoolo bulet li akila.
«Bale, Dayit akila lakankaan no li taŋayi yoola, wahawu wan Ateemit afañumuu min ukaan aban, li aket. Li ahoki tan situubawool sihaan sihokimuu, min ehuluŋayi yoola ekajen li huyaakahu.
Muñeˈe Fool li aaniil: — Saŋ lanaanaak ábatiise bukanabuku kafañumuu kukat baloŋelabu booliil buhaanabu min kútiiwo kuŋa’ buloŋ buwunkul, ban li aan kata Isilayeel kúyinen li anawu ammuu li abil búsolool. Anawu ummu okila ammuu Yéesu.
Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.
Li mal̥egenamu, li kawaaleyaku kan áloli jiwaaleˈemuu, let kúkowoli jiyiiŋene, bale Yéesu Kilisita ammuu Amaaŋenawu jiyiiŋene. Alóli kuloka kooluul joom, humum hata Yéesu.
Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam.
Bale nan kommuu li kuban elob bukanabuku hulimahu han Ateemit aseniilumuu, énuukuleŋayi yákoyileniyaayi yammuu li éfulumul li buwokaayabu básenkimuu fan etiikeniil. Fan eheekiil ban li emukiil.