Hulimahu Hásuumaahu loon Saŋ akiic homuu 1:29 - Jola-Kasa

²⁹ Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu Hásuumaahu loon Saŋ akiic homuu 1:29 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Hulimahu Hásuumaahu loon Saŋ akiic homuu 1:35

Li líiŋ hunak hukaten, Saŋ li alaañen alako tin tanolayi, li bukan kúl̥uba li kúgoomaku koola.

Hulimahu Hásuumaahu loon Saŋ akiic homuu 1:36

Li ajuk Yéesu li ejow, li aan: — Agálalaanawu ata Ateemit umme!

Hulimahu Hásuumaahu loon Saŋ akiic homuu 1:43

Li líiŋ hunak hukaten, Yéesu li ajok mata min ajow boot li etaamayi yata Gálile. Nan alakomuu ejowayi, li áfimboo li Fílib. Li aanool: — Unábul lí ínje.

Hulimahu Hásuumaahu loon Saŋ akiic homuu 2:1

Muñeˈe li líiŋ li hunakahu húhaajutahu, li baj búyabo li ésukayi yata Kaana, li etaamayi yata Gálile. Jaaw ata Yéesu to lalakowe.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 4:42

Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Bakaanelabu 13:39

Li Yéesu bale anoowan áyinene li Ateemit, áatummuu alako an acole hakil Ateemit.

Bakaanelabu 8:32

Muñeˈe Hulimahu hata Ateemit han alakomuu kajangaaku ho hommuu unhe: «Lanokoonokoo loon húgalalaan han kóomi li kájowetum boot jamuk, loon ágalalaan akumbowe hákil kammuu li kámiit hó. Alobut hulimoohulim.

1 Kata Koolent 15:3

Li mal̥egenamu, bukuluul lijandumuu iliiken wahawu wan ínje humumom iyabumuu, wammuu: Kilisita lakeeket mata uhoofoolawu woololaal úji, loon Bakiicelabu bulobumuu.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Fiyeel 1:19

bale húsimahu hatiineniyaahu hata Kilisita, ajokimuu loon ágalalaan atilut tanootan ban abajut foof humaw, húsimahu unhu ho Ateemit aŋalumuu min ahal boot li bukuluul.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

1 Saŋ 2:2

Mata Yéesu lasenoolosenoolo min aket boot kabonket uhoofoolawu woololaal, ban inti boot li uhoofoolawu woololaal bale, bale foof boot li uhoofoolawu wata adunaayi feh.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

1 Saŋ 4:10

Húbooliyahu ho hommuu unhe: inti ololaal úbooliyaale Ateemit, bale akila humumool ábooliwolaal, ban li áboñul Añoolool abil asen buloŋool bulako kasila min uhoofoolawu woololaal ubonketi.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 14:1

Muñeˈe li ijuke, li ijuk Agálalaanawu mayitowe li huyuuyahu han koonemuu Siyoŋ. Li baj bukan koono sínjunne téemeel lí kúyii kúl̥uba li kubakii kalako to li akila. Kajawaku koola li kata Atuubawool ukiicikiic li síjontumasu sooliil.

Búhiisenumabu 14:10

fan kuhob foof bunukabu bata etindihuuñayi yata Ateemit. Bunukabu umbu búsinfuti, ban li buyoŋeni li ejunkayi yata etindihuuñayi yáamakayi yata Ateemit. Bukanabuku umbuku kahobumuu bunukabu fan kúlaam ŋáa’ li hásufaahu hata sambunasu li hata batolokabu básoyiyaabu, hákil kumalakaaku kanabaaku li Agálalaanawu.

Búhiisenumabu 14:4

Bukanabuku umbuku buko kuhintowutumuu li kanaale, min kulako bukan kanabe. Li kunaak kunab li Agálalaanawu tanootan tan ajowe. Li bukanabuku feh, umbuku kufakenimuu min kulako bukanabuku kútinaalabuku kan kusenumuu Ateemit li Agálalaanawu.

Búhiisenumabu 15:3

Li kunaak kukijen kakijenaku kata Móyiis, ammuu alokaawu ata Ateemit li kakijenaku kata Agálalaanawu koon: «Amaaŋen Ateemit ata sembe, mo balokelabu booli buluuke ban li bújaahaleni ŋáa’! Awu ommuu Ayíiyawu ata bukanabuku kata sihetasu feh, mo makaanelamu mooli mucole ban li mulako mal̥egen!

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 19:7

Kásuumaay kulako li ololaal, ulakowaal li ésuumansuum ban li usalaalool! Mata taŋayi yata ébutowayi yata Agálalaanawu éliiŋe, ban aseekool lásangenoole aban.

Búhiisenumabu 19:9

Muñeˈe amalakaawu li aanom: — Ukiic: Awólo, bukanabuku kahooñimuu boot hutiñahu hata sinaaŋasu sata ébutowayi yata Agálalaanawu. Ban li afamen aan: — Laalu kulimaku kata mal̥egen kata Ateemit.

Búhiisenumabu 21:14

Huteefahu hata ésukayi li kúlankiin koono kuŋen li kúl̥uba huyitowe. Li kúlankiinaku unku, ujawawu wata kufootalaku kata Agálalaanawu, kukiic ló.

Búhiisenumabu 21:27

Wah waboje let unoken li ésukayi inyu. An akaane wah wasuuneniye li ámalamiñ let anoken dó foof. Bukanabuku kan ujawawu wooliil ukiicimuu li éliibalayi yata buloŋabu yata Agálalaanawu, buko bale kommuu li kunoken dó.

Búhiisenumabu 21:9

Muñeˈe akee li kumalakaabuku hutok li kúl̥ubaaku kaakenumuu sijunkasu hutok li síl̥ubaasu sameeŋenimuu utekawu hutok li úl̥ubaawu úsolaawu, li abil aanom: — Ubil min íhiisi ábuwaawu, ammuu anaalaawu ata Agálalaanawu.

Búhiisenumabu 5:6

Muñeˈe li ijuk Agálalaan ayitowe li tut efenjeŋayi yata jáyiiyaju. Wahawu ubakiilawu waloŋumuu li kunahaanaku kahallenumuu, li kúguutool. Agálalaanawu ummu lanokoonokoo li ágalalaan an kumuke. Labaje usiin hutok li úl̥uba li kúkil hutok li kúl̥uba. Usiinawu unwu hutok li úl̥ubaawu li kúkilaku unku, wo wommuu uyinumawu hutok li úl̥ubaawu wata Ateemit wáboñulimuu li etaamayi feh.

Búhiisenumabu 5:8

Nan Agálalaanawu ayabumuu éliibalayi yata hubooñahu, wahawu ubakiilawu waloŋumuu li kunahaanaku áyii li kubakiilaku kahallenumuu, li kúkuntuŋ hákilool. Anoowan li buko ekontiŋ laakene li sijunk sata éwulus mameeŋe ecuulaay. Sijunkasu unsu sameeŋumuu ecuulaayayi so sommuu ul̥awawu wata bukanabuku kammuu kata Ateemit.

Búhiisenumabu 6:1

Muñeˈe li ijuk Agálalaanawu li átoŋ ábabul éliibalayi yan kuŋalumuu bálikaañ hutok li búl̥uba min kubab yo. Nan ákotulumuu bálikaañabu bútinaalabu, li ijam wakee li wahawu ubakiilawu waloŋumuu li ulob hulim haluuke loon kawel kata hufalajaj woon: «Ubil!»

Búhiisenumabu 6:16

Li kunaak koon kuyuuyaku li kúlankiinaku: «Jílowul jilo li óloli min jíyololi jakum bil anawu abahumuu li efenjeŋayi yata jáyiiyaju ájukoli, mantee Agálalaanawu jakum ábetoli li katek.

Búhiisenumabu 7:14

Li eenool: — Awu baleyi uhaase, amaaŋen. Muñeˈe li aanom: — Buko kommuu bukanabuku kálaamumuu sílaamasu sáamakasu. Kufoffos újufowawu wooliil, ban li kuŋa’ húsimahu hata Agálalaanawu min kukaan wo uhiit.

Búhiisenumabu 7:17

Mata Agálalaanawu ammuu li tut efenjeŋayi yata jáyiiyaju, fan alako amataawu ooliil. Fan ajow li buko boot bata uhuwenawu wata malamu masenemuu buloŋ. Ban Ateemit fan átil̥ muhuuwamu mata kúkilaku kooliil.