Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.
Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.
Muñeˈe Yéesu li aaniil: — Jijow li adunaayi feh jijow jiwaale Hulimahu Hásuumaahu bukanabuku feh.
Min akaan ésukayi yoola ehaas kaanaku fan áfakenum yo, li kabonket kata uhoofoolawu wooliil.
Muñeˈe anahaanawu li aan alokaawu: «Ujow li útinawu, ban li unab li uhatawu, min ukaan manooman min úŋalul bukanabuku kan ommuu ujuk bo únoonetumul búmbaam, mantee eluufayi yúmbaam li emeeŋ bukan.
Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.
Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.
Ujówum li mal̥egenamu min ukaaniil kulako bukan kanabe. Hulimahu huya hommuu mal̥egenamu.
Anoowan an Atuubaawu asenom fan abil búmba, ban an abilumuu búmba manooman let ibetenool tíyaŋ,
Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.
Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.
Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;
Kanaalaabuku umbuku, kúmbuku min kuŋesemuu nanoonan min kuhaas mal̥egenamu, bale kuyilaat kuhaas mo maayeet tuf.
Injé Fool ammuu aloka ata Ateemit li afootal ata Yéesu Kilisita, ikiiculi eleetalayi inye. Bulokabu ban Ateemit asenommuu, bo bommuu kakaan bukanabuku kan al̥usumuu kúyinen, li kakaaniil foof kuhaas mal̥egenamu máatimuu mukaaniil kútuulool.
Li mal̥egenamu, ucucaalumuu min unaak uhoofoolaal, ololaal bahaasaale mal̥egenamu ubanaal, let baj kasila káami li kuyili kúfulen uhoofoolawu.
Bale nokoomuu loon li uyinumawu wooluul batahaay bajakut li búhaŋoo bóomi ló, jakum jisaloolo min joon jíjallojallo.
Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.
Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.
Fúlum tó, li ijuk amalaka akee li anaak áyititoo haatiya tiya emitayi. Li aaken Hulim Hásuume hata boot nanoonan, han aate alob bukanabuku feh kakinumuu li etaamayi, kata sihetasu feh, kata utoŋawu feh, kata silobasu feh li kata sísukasu feh.