1 Tímote 4:10 - Jola-Kasa

¹⁰ Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

1 Tímote 4:10 Referencias Cruzadas

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 27:43

Li Ateemit lákangume ban lansaan: «Injé emmuu Añiilawu ata Ateemit.» Muñeˈe kama boot min ujukaal mantee Ateemit fan afakenool, nokoomuu loon lafañoofañ.

Hulimahu Hásuumaahu loon Saŋ akiic homuu 1:29

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu Hásuumaahu loon Saŋ akiic homuu 4:42

Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

2 Kata Koolent 1:10

Ateemit okila áfakenolimuu li eket loon inyu, ban fan alaañen áfakenoli. Jibabbaj kákangum li akila kaanaku fan alaañen áfakenoli.

1 Tímote 2:3

Wahawu unwu ujakumuu ban li úsuum Ateemit ammuu afakenaawu ololaal,

1 Tímote 2:4

afañumuu min bukanabuku feh kufak ban li kuhaas mal̥egenamu.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

1 Tímote 3:15

Bale nokoomuu loon íbilaaliwut, kulimaku unke fan kújiyi li uhaas buu lommuu uloŋ eeno li butoŋabu bata Ateemit, bammuu Ejanguwayi yata Ateemit aloŋumuu, yammuu yiilayi li ekuŋayi yakegumuu mal̥egenamu.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

Eébulo 11:26

Li ajok li buyinumool kaanaku, kubesoolumuu loon kubesumuu Kilisita, láalu hubaj hahaŋe maluuk hubajahu feh hata etaamayi yata Ejíf, mata laŋaŋŋa’ sítiijool feh akaan li busuuhenabu ban Ateemit ammuu li abil asenool.

Eébulo 13:13

Lootaale kama úfulaal ujaˈaal ufamaal li okila tíyaŋ ésukayi, min utebaal ñisuuwañu ñoola ugalowaal.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

1 Saŋ 2:2

Mata Yéesu lasenoolosenoolo min aket boot kabonket uhoofoolawu woololaal, ban inti boot li uhoofoolawu woololaal bale, bale foof boot li uhoofoolawu wata adunaayi feh.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.