Eleetalayi yan Fool akiicumuu Tit 1:1 - Jola-Kasa

¹ Injé Fool ammuu aloka ata Ateemit li afootal ata Yéesu Kilisita, ikiiculi eleetalayi inye. Bulokabu ban Ateemit asenommuu, bo bommuu kakaan bukanabuku kan al̥usumuu kúyinen, li kakaaniil foof kuhaas mal̥egenamu máatimuu mukaaniil kútuulool.

Eleetalayi yan Fool akiicumuu Tit 1:1 Referencias Cruzadas

Hulimahu Hásuumaahu loon Lík akiic homuu 18:7

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil?

Bakaanelabu 13:48

Nan bukanabuku kákaanumutumuu li Ateemit balewool kujamumuu kulimaku unku, li kubaj ésuumahukow yáamak, min kulako kasal Hulimahu hata Amaaŋenawu. Bukanabuku feh kan Ateemit al̥usumuu boot min kubaj buloŋabu bábaneliitumuu, li kúyinen li akila.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

2 Kata Koolent 1:1

Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Kolos 2:2

Wahawu wan ifañumuu, wo wommuu min bukuluul jibaj kawankulen li uyinumuul, ban li jijokoo lit loon an ano li húbooliwoo ló, imban li jibaj butuuko báamak. Muñowu jommuu jikaan, li jiyili jihaas mahaaseenutimuu mata Ateemit, mammuu Kilisita.

1 Tímote 2:4

afañumuu min bukanabuku feh kufak ban li kuhaas mal̥egenamu.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

1 Tímote 6:3

Nokoomuu loon an akee aliikene wah wábuto, min akat bo kulimaku kata mal̥egen kata Amaaŋenawu kammuu baliikenelabu bakaanemuu bukanabuku kútuul Ateemit,

2 Tímote 2:10

Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan.

2 Tímote 2:23

Utey búwonnoolabu babajutumuu jáliŋ ban li busoŋet. Luhaase oon búŋaluleŋalul úmuy.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.

2 Fiyeel 1:3

Li mal̥egenamu, Ateemit li sembaasu soola lásenumolaamuu wahawu feh wan jokolaamuu li wo boot mata buloŋabu, li káyinen li akila. Lakaanolaakaan min uhaasaal anawu ahooñolaamuu boot li máyiineniyamu li másuumamu moola.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

1 Saŋ 2:23

An aceeŋumuu aan Yéesu ammuu Añiilawu, anawu ummu ahaasut foof Atuubaawu. An li aan Yéesu ammuu Añiilawu, anawu ummu foof lahaase Atuubaawu.

Búhiisenumabu 1:1

Li éliibalayi inye, ló wahawu wahaasutimuu wommuu, wan Ateemit áhiisumuu Yéesu Kilisita. Ateemit láhiisoohiis wó mantee li alob wo kulokaabuku kammuu koola, min kuyili kuhaas wahawu wáatimuu ubaj, ban let fiyo. Wahawu unwu újimuu, Kilisita li aboñ amalakaawu oola bata alokaawu oola Saŋ min ajow áhiisool wahawu unwu.