Eleetalayi yan Fool akiicumuu Tit 2:11 - Jola-Kasa

¹¹ Mata Ateemit láhihhiis kájiyaku koola bájum bukanabuku feh li kúfakum li ko.

Eleetalayi yan Fool akiicumuu Tit 2:11 Referencias Cruzadas

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Maak 16:15

Muñeˈe Yéesu li aaniil: — Jijow li adunaayi feh jijow jiwaale Hulimahu Hásuumaahu bukanabuku feh.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 3:6

Ban bukanabuku feh fan kujuk koon Ateemit lafañe afakeniil”.»

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:9

Mawuŋaamu ummu, mo bale mommuu mawuŋe mata mal̥egen, mabilumuu li adunaayi min muwuŋen bukanabuku feh.

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Bakaanelabu 13:43

Nan bajojabu buyiisumuu, Kusuwif kameeŋe li bukan kameeŋe kátiiwomuu kuŋa’ bútinabu bata Kusuwifaku, li kunab li Fool buko li Balunabaas. Fool buko li Balunabaas li kulob li buko, ban li kuwankuleniil mata min kujok jak kájiyaku kata Ateemit.

Bakaanelabu 13:47

Mata wahawu unwe Amaaŋenawu álobolimuu: «Likaanikaan ulako mawuŋe boot li kákaanumutumuu li Ateemit balewool, bájum li ujow tanootan li etaamayi min ulob bukanabuku kaanaku Ateemit lafakenefaken.»

Bakaanelabu 17:30

Bale Ateemit li ajok min akat bo taŋayi nan bukanabuku kuhaasutumuu wahoowah. Muñeˈe Ateemit laane bukanabuku feh kammuu tanootan kukat baloŋeliil buhaan, min kútiiwo kuŋa’ buloŋ buwunkul.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Kata Lom 10:18

Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon: «Hulimahu hooliil hujamijam li etaamayi feh, balobelabu booliil li bujow boot yok tan etaamayi ekibumuu.»

Kata Lom 5:15

Bale buko kúl̥uba kúbutoobutoo, mata kájiyaku kata Ateemit kunokoolut li kahoofoolaku kata Adam. Li mal̥egenamu, kahoofoo kata an ano bale ammuu Adam, kújimuu bukan kameeŋe li kuket, bale kájiyaku kata Ateemit kuhaŋe maluuk ŋáa’. Kájiyaku unku Ateemit li an ano lásenum kó bukanabuku, akila ammuu Yéesu Kilisita, ban kuhaŋe maluuk ŋáa’.

Kata Lom 5:2

Li Yéesu Kilisita foof lúbajumaalumuu kájiyaku dán Ateemit akaanolaamuu li kabane humum hata káyinenaku koololaal. Wahawu wakaanewolaamuu ésuumansuum, wo wommuu kákangumaku kan ubajaalumuu kata min ulakowaal li máyiineniyamu mata Ateemit.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Galasi 2:21

Ilet li ihoy kájiyaku kata Ateemit. Li mal̥egenamu, nokoomuu loon li eluwaayi an áami li ájowum min eeni lacoccol hákil Ateemit, kama Kilisita lakeeket boot maayiiñ.

Kata Efées 2:5

mó mújimuu, nan ulakoweenaalumuu loon bukan kakete humum hata uhoofoolawu woololaal, li asenolaal buloŋ buwunkul li Kilisita. Másuumamu mata Ateemit mújiwuulumuu li jifak.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

2 Kata Tesalonik 2:16

Amaaŋenawu ololaal Yéesu Kilisita humumool, li Ateemit Atuubawolaal, ábooliwolaamuu ban li awankulenolaal kawankulen kata boot nanoonan, ban lí ájowum li kájiyaku koola min asenolaal húkangum habaje sembe,

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

1 Tímote 2:4

afañumuu min bukanabuku feh kufak ban li kuhaas mal̥egenamu.

2 Tímote 1:10

ban muñeˈe li ebilayi yata Afakenaawu oololaal Yéesu Kilisita láhiisolaamuu kájiyaku unku. Okila aheekumuu eketayi, ban li ájowum li Hulimahu Hásuumaahu min áhiis set waa wommuu buloŋabu li waa wommuu eniil yayilaat ekajen.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

Eébulo 12:15

Jijuke to jakum bil an li bukuluul áfu’ li kájiyaku kata Ateemit. Jijuke to jakum bil an li bukuluul anokoo loon anuunuken átaliye, al̥iilulo li bukuluul min asik huwoogahu hooluul.

Eébulo 2:9

Ban lujukaale kaanaku Ateemit lakankaan min emalakaayi efan ehaŋ jatit Yéesu, bale muñeˈe labaje máyiineni ban li aluukeni, humum hata eketayi yan aketumuu li sílaam ló. Wahawu unwu újimuu Yéesu li ajaken eketayi boot kafaken bukanabuku feh, humum hata kájiyaku kata Ateemit.