Provérbios 22:8 - Kaxinawá Bíblia (BR)

Tsuãra txakabuwakubaĩkĩ txakaburi tenekĩ mekubainaibũ hanushũ Senhor Deus hatuki sinatakĩ hatu yamawashanikiki, hawẽ mestẽti kushipawẽ hatu kushakinã.

Provérbios 22:8 Referencias Cruzadas

Jó 4:8

Eã eskaibu ẽ uĩmisrã, tsuabura pubẽbũ txakabu tapĩtã txakabuwakubaĩmisbũ habias txakabuwẽ hatũ kupiti bimisbuki.

Provérbios 1:31

Hatũ hiweawẽ shinã txakakĩ txakabu tibi amisbuwẽ taea nuitapai bika tenekubaĩshãkanikiki, hatũ txakabu itxapa yaniwa keskairã.

Provérbios 14:3

Unaĩsmapatũ ibubis kẽkĩ hawẽ hãtxa kushipawẽ hatu kũyã amisbuki. Hakia unanepatũ hawẽ hãtxa pepawẽ hatu pe mekekubaĩmisbuki, tsua sinatamamarã.

Isaías 9:4

Tsuãra hatu tsuma washũ hatu bika tenemaibu inũ, bika betsa betsapa habũ meaibu inũ, shanẽ ibubũ hatu itxakawamisburã, haburã, mĩ hatu nemakĩ putamashanaii, ha Midiã nawabu mĩ hatu yamawani keska wakinã.