Provérbios 22:7 - Kaxinawá Bíblia (BR)

⁷ Mabuyabu shanẽ ibukĩ habu nuitapaibu hatu yunukubaĩmisbuki. Tsuãra hatu pei biãyumisbũ habũ diriabu hatu dayamamisbuki, hawẽ tsuma keska watanã.

Provérbios 22:7 Referencias Cruzadas

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 18:23

Nuitapaibu hãtxa pewẽ ea ibiaibũ hakia huni mabuyabũ hatũ hãtxa kushipawẽ hatu kũyã akĩ kemamisbuki.

Provérbios 22:16

Huni mabuyabiakaĩkĩ mabu inũ pei ana binũ, iwanã, nuitapaibu hatu itxakawakĩ mabuhairayabu besti hawẽ mabu hatu inãkubaĩmisburã, txipu hari nuitapashanikiki, ana mabu inũ pei hayamairã.

Amós 2:6

hanushũ Senhor Deusũ hawenabu Israelkiriri yuikĩ: “Israelĩ enabu nortekiri hiweabũ txakabu betsa betsapa akubainaibuwẽ taeshũ hatu kupikĩ ẽ heneama iriashanaii, habũ hatu eska wakubainaibuwẽ taeshunã. Israelbũ hawenabu pe hiwebiabũ peiwẽ taeshũ hatu inãkĩ nuitapawamisbuki. Ha inũ, betsa nuitapai hiwebiakẽ hatuwẽ taeshũ hatũ bitxi tae bimisbuki, dayaru escravo hau hatu iyutanũbunã.

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 8:4

Hawa hayabuma nuitapabiaibũ matũ mai anushũ ana hatu itxakawakĩ mã hatu txakabuwamisbuũ, ea nĩkakãwẽ.

Amós 8:6

Nuitapaibũ nuku diriabu hawẽ taeshũ pei bikatsi dayaru escravo hau hatu wanũbũ hatu inãkĩ nuku diriabu nũ hatu inã hawẽ nuku pakatirubuki, bitxi tae besti nuku diribiakenã. Ha dikabi shekiwã trigo deshka txakabubiakẽ hari nũ hatu inãriashanaii, pei bikinã”, ikĩ mã shinã txakakubaĩmisbuki.

Mateus 18:25

ha hawẽ tsumapã devehaira hawawẽ pakatirumakẽ ha shanẽ ibũ hawẽ tsuma betsabu yunukĩ: “Na ea devehaira hawawẽ ea pakatimaki. Haskakẽ hawara ea devea hau hawẽ ea pakakĩ keyunũ hawẽ hawara inũ, na huni inũ, hawẽ aĩ inũ, hawẽ bakebu hatuwẽ pei bikatsi hatu inãkãwẽ, hau huni betsa dayashunũbunã”, akaya

Santiago 2:6

Matubunã, xinãkãwẽ, habuwẽ datekĩ mã haska hatukiri xinaĩnã. Ha yura mabuwãyãbu mã duawairã, habunã, matu itxakawamisbuki. Ha inũ, habiabũri matu atxishũ sharabaĩkĩ shanẽ ibubu matu inãmisbuki.

Santiago 5:1

Mabuwãyãbuũ, haska kaĩbiranaya mei kashai saĩ iki mã nuitapashanaikiri matu yuinũ nĩkakãwẽ.

Santiago 5:4

Haskashanikiki. Nĩkairakãwẽ. Dayakapabu hatu dayamakĩ matũ bai hatu urumakĩ hatu parãkĩ haska wakĩ mã hatu beshpa betximis yuiaibu nukũ Epa Deus kuxipahairatũ hatu nĩkamiski. Ha inũ, matũ yunu matu tsekashũ mãtxĩshũmisbũ haska mã hatu pakama yui matuki ha ikaibu nĩkariamiski, Epa Deusunã.