Provérbios 22:6 - Kaxinawá Bíblia (BR)

⁶ Na habiatiã matũ bakebu tapĩmakinã, yusiã pepawẽ hatu akãwẽ. Txipu ewatã haska mĩ hatu yusini hawa hene taskama mestebuyabis hawẽ hiwekubaĩshãkanikiki.

Provérbios 22:6 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Efésios 6:4

Bakeyabuũ, maturi yununũ nĩkakãwẽ. Matũ bakebu tapĩmakĩ hau matuki datei sinatayamanũbũ yunutxakayamakĩ nemahairayamakãwẽ. Hakia hiwea tapĩmakĩ Deusũ hãtxa tapĩmakĩ hawẽ yunuti hãtxa inũ hawẽ nemati hãtxa unãmakĩ pe yusĩkĩ haska nukũ Shanẽ Ibũ abumis keskawẽ hatu yumewakubaĩkãwẽ.

Deuteronômio 4:9

Hakia 40 ano dasibi mã uĩkubirãshina mã hakimataskayamashanũbũ uĩrahairakubaĩshãkãwẽ, shinã heneamarã. Haska mã uĩkubiranai shinaĩ hiwekubaĩkĩ na habias hãtxa inũ hawara mã uĩkubiranai matũ bakebu inũ matũ bababu shabakabi hatu yusĩkĩ tapĩmakubaĩshãkãwẽ— iwanã,

Deuteronômio 6:7

Ha dikabi na haska tibi ẽ matu yusĩshu haska tibi hakiri hãtxakĩ matũ bakebu yusĩkubaĩshãkãwẽ, matũ hiwetãshũ inũ, bai namakishũ inũ, ushaitiã inũ, mã besteaĩtianã.

2 Timóteo 3:15

Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.

Juízes 13:12

hanushũ Manoá ana yukakĩ: —Haska mĩ yuishina nukũ bake kaĩshanai haska washũ nũ yume watirumẽ? Nũ haska wakubaĩshanai?— aka

1 Samuel 1:28

Haskawẽ taeshũ ẽ Senhor Deusbe yubakani meribi hawena ma ẽ inãkĩ nitxĩshuniyuaki, hau hawẽ hiwea hirabiwẽri Senhor Deus dayashũkũkaĩshanunã. Miã yume washũkĩ dayamashũkubaĩshãwẽ— aka nĩkatã benimai ibu wai Eli Senhor Deus bebũ maĩ beti ishũ kẽwanikiaki.

1 Samuel 2:26

Habiatiãri Samuel yumekĩ pepa akubainaya Senhor Deus inũ yura dasibibũ betxipaikubainaibũ