Provérbios 14:3 - Kaxinawá Bíblia (BR)

³ Unaĩsmapatũ ibubis kẽkĩ hawẽ hãtxa kushipawẽ hatu kũyã amisbuki. Hakia unanepatũ hawẽ hãtxa pepawẽ hatu pe mekekubaĩmisbuki, tsua sinatamamarã.

Provérbios 14:3 Referencias Cruzadas

Jó 5:21

Mikiri txakabu yuikĩ mia yuaĩbu Deusũ mia nemashũshanikiki. Mia haska nemashunaya mese atimapahaira hubiaya mĩ dateama ishanaii.

Provérbios 12:6

Huni txakabubũ hãtxarã, hanushũ hatu tenãti birũ keskabuki. Hakia huni pepaburã, hawẽ hãtxa pepawẽ taea hamapai txakabu anua piskutirubuki.

Provérbios 13:3

Tsuãra hawẽ hãtxa mekemis ibubis meketirubuki. Hakia tsuãra hamapai yui hãtxawãmisrã, hamẽ hawena besti benushanikiki.

Provérbios 14:4

Ina awa hayamawẽ taea hatũ bai anu shekiwã trigo hayabumaki. Hakia ina awa hawẽ kushipawẽ hatũ bai anu mai sheshaimashũ shekiwã trigo itxapa tsekakubaĩmisbuki.

Provérbios 18:6

Ha unaĩsmapa hiwe betsa anu kashũ txakabu hatu tueshũmisbuki, hau hawẽ taea ha iki detenamenũbunã. Hatu haskamamiswẽ taeshũ ha huni kusha kusha atirubu peki.

Provérbios 18:7

Unaĩsmapa hawẽ keshawẽ hãtxairã, ibubis txakabui dispiwẽ teneshekea keskamisbuki, hawẽ hiwea txakabuwairã.

Provérbios 21:24

Hawẽ unanepa inũ hawẽ tapinika hãtxawẽ keĩ betsabuki kashekĩ hatu kenamamisburã, “Ha huni hamẽ uĩbaĩ yui txitenamei hãtxa bestimiski”, akĩ yuimisbuki.

Provérbios 22:8

Tsuãra txakabuwakubaĩkĩ txakaburi tenekĩ mekubainaibũ hanushũ Senhor Deus hatuki sinatakĩ hatu yamawashanikiki, hawẽ mestẽti kushipawẽ hatu kushakinã.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.

1 Samuel 2:3

Nukũ mekenika Senhor Deusũ dasibi unãmiswẽ taea hau keĩ tsua hãtxayamakubainũbũwẽ. Haska yurabũ amisbu unãti wakĩ pepawẽ inũ txakabuwẽ mĩ hatu kupimiski.