Provérbios 17:13 - Kaxinawá Bíblia (BR)

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Provérbios 17:13 Referencias Cruzadas

2 Samuel 12:10

Haska wakĩ ea danãkĩ shinãma Heteu nawa Uriasĩ aĩ biãkĩ mĩ aĩwaĩmawẽ taeshũ eã minabu kupikĩ betsa betsapawẽ hatube ẽ mia bika tenemakubaĩshanaii.

1 Reis 21:22

Ẽ hãtxa hatu danãmakĩ Israelĩ enabu mĩ hatu txakabuwamakubaĩmiswẽ taeshũ mĩ ea sinatamahairaii. Nebatẽ bake Jeroboãonẽ enabu itxakawaya ẽ hatu yama wani keska wakĩ inũ Aiasĩ bake Baasã enabu itxakawaya ẽ hatu yama wani keska wakĩ minaburi ẽ yamawariashanaii”, akĩ Senhor Deusũ mia yuikiki.

Provérbios 13:21

Habũ txakabu mekubainaiburã, hatũ txakabuwẽ betsa betsapa tenemisbuki. Hakia pepabunã, manakuti pepa bi hawẽ benimamisbuki.

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Mateus 27:5

hanua huĩti nixmahairai keyutã hanu Templo hikiti shui sheshekaiã nitã ha pei heshe putakĩ sa atã kaĩkaini ka dispiwẽ tenesheketã dunua mawanikiaki.

Romanos 12:17

Ha inũ, yura betsabũ matu itxakawabu ana hatube manakunãyamakubaĩkãwẽ. Ha inũ, hawara pepa yura betsabũ abukĩ matu yunuabu txibãkĩ mã haskari akairã, hatu bebũshũ shabakabi ashũkĩ uĩmakubaĩkãwẽ.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 Samuel 19:4

ana meshukiri penama hawẽ epabe bai anu kashũ Davi merabewakĩ daewashũkatsi ikĩ Jônatasã hawẽ epa Saul yuikĩ: —Shanẽ ibuũ, mĩ tsuma Davinã, hawa txakabuwakĩ mia txakabuwama haki sinatakĩ meyamawe, pe besti mia ashũmiskirã.

1 Samuel 24:17

Saulũ hãtsiri yuikĩ: —Ẽ mikiri txakabu shinãbiabirãkẽ ẽ shinã keska ekiri shinãma mĩ pewẽ mĩ ea binumaii.