Provérbios 17:14 - Kaxinawá Bíblia (BR)

¹⁴ Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 17:14 Referencias Cruzadas

2 Samuel 19:41

Gilgal anushũ shanẽ ibuhaira Davi uinũ ika Israel shanẽ ibubu inũ hatũ anibu unanepabu dasibi Davi anu bushũ yukakĩ: —Mia inũ minabus inũ habũ mia txibãmisbu hatu ikĩ Hene Jordão matu pukemai bukĩ haskakĩ nukunabubia nuku hũtãbaĩ: “Inũ bekãwẽ”, ikama hatunas mia wai Judá hunibũ hatũ mesti shanẽ ibuyakanimẽkaĩ, mĩ nukũ shanẽ iburibiakenã?— akaibũ

Provérbios 13:10

Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.

Provérbios 14:29

Tsuara hawa hĩ hĩ ikama unãshubira hãtxakĩ hawẽ unanepa hatu uĩmakubaĩmisbuki. Hakia tsuara hĩ hĩ iki hawaira hãtxakĩ hawẽ patapa hatu uĩmakubaĩmisbuki.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Provérbios 16:32

Hĩ hĩ ikama hamapai tenetã manamistunã, mẽtsisipabu hatu binuhairaki. Hawara txakabu binukĩ tsuãra matũ yura mã mekemisrã, habũ maewã atxikĩ hatu maemamisbu mã hatu binuaki.

Provérbios 17:19

Tsuara itxakanikakatsis ikĩ betxipaimisrã, detenameari betxipaimiski. “Eã besti ibubis ẽ unãhairaii”, ikĩ shinãkubaĩmisrã, ibubis hawẽ kushipa benushanikiki.

Provérbios 19:11

Bebũkiri shinã pewakubaĩmistũ sinatai taebiatã hawaira ibubis daemisbuki. Hakiri hãtxai pemisbuwẽ taea haki ha ibiabu ana shinãma ibubis hatu hakimawai pe bestikũkaĩmiski.

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Romanos 12:18

Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

1 Tesalonicenses 4:11

Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.