Provérbios 17:15 - Kaxinawá Bíblia (BR)

¹⁵ Tsuabũra txakabuwa shanẽ ibubũ hawa hatu kupiama meketã hakia tsuabũra hawa txakabuwamabiakẽ shanẽ ibubũ hatu kupiaibu Senhor Deus sinatakĩ hatu betxipaismahairaki.

Provérbios 17:15 Referencias Cruzadas

1 Reis 21:13

hanushũ huni txakabu dabe ha parã hãtxawẽ Nabotekiri hatu yuiaibu hikia tsaushũ yurabu dasibi bebũshũ txanitxakakĩ hatu yuikĩ: —Nukũ mekenika Deus inũ nukũ shanẽ ibuhaira yuãkĩ hatukiri Nabotẽ txakabuhaira yuiai nũ nĩkashinaki— akabu hatũ hãtxa txanibiakẽ ikũwãkĩ Nabote atxibaĩkĩ tashnimabaĩ benãta iyushũ mashash tũkuwẽ tsaka tsaka akĩ tenãtã

Provérbios 11:1

Hawẽ balançawẽ tana pewamarã, Senhor Deusũ danãkĩ betxipaismaki. Hamẽ hawẽ balançawẽ tana pewamisrã, Senhor Deusũ betxipaimiski.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 17:26

Tsuãra hawa txakabuwamabiakẽ hatu kupimakĩ pakamarã, txakabuki. Ha inũ, huni pepabiakẽ hatu kusha kusha amaiburã, haska pemahairaki.

Provérbios 18:5

Huni txakabubiakẽ pepabu keska wakĩ shanẽ ibu unanikabũ hatu mekekĩ ha habũ hawa txakabuwaisbuma hatu itxakawakĩ hatu parãmisbu haska pemahairaki.

Provérbios 31:5

Haskairã, paẽshũ nukũ yunuti inũ hawẽ nemati hãtxa hakimatã nuitapaibu mekeama hatu itxakawakubaĩtirubuki.

Provérbios 6:16

Txakabu betsa betsapa akĩ 6 kasmai 7ki amisburã, Senhor Deusũ hatu uĩ betxipaiama danãtxakayamai hatuki sinatahairamiski. Haskakiri matu yuinũ ea nĩkakãwẽ.

Amós 5:12

Kanekubaĩkĩ matũ txakabu heneama mã akubainai ẽ unãhairaii. Pepabu bika tenemakĩ mã hatu danãkubaĩmisbuki. Hau hatũ txakabu kaka wayamanũbũ hune hatũ pei mã hatu biãmiski. Pepa inũ txakabu mã unãti wanikabu bebũshũ habu nuitapaibũ matu merabe yukabiabu mã hatu pewashũkatsi isbumaki, hawa hatu merabewamarã.

Amós 5:7

Maturã, mã peirashãkãwã! Deusũ yunuti kushipa pepa betsa wai mã hawẽ Deus sinatamamisbuki. Yusĩti txanima kayabi betsa wakĩ mã txakabuwakubaĩmisbuki, hawara hawẽ hiweti pepabiakẽ mai anu txaka ureã keska wakinã.

Amós 6:12

Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.

Romanos 4:5

Hamẽ, tsuabũra Deus duawanũ, iwanã, hatũ huĩti merã Deus ikũwaĩbu Deusũ hatũ aka pepawẽ hatu pepa wama hakia hatuwẽ nuikĩ yurabũ hatũ xinã betsa wawẽ taeshũ hatũ xinã txakabu hatu buashũtã: “Ha yura pepabuki”, akĩ haskawẽ Deusũ hatukiri xinãkubaĩmiski.

Santiago 5:6

Matunã, haratubũra hawa matu txakabuwaisbuma betsabu tenãkĩ itxapabu mã hatu itxakawamiski, habũ hawa matu nemakĩ yuiabumarã.