2 Samuel 12:10 - Kaxinawá Bíblia (BR)

¹⁰ Haska wakĩ ea danãkĩ shinãma Heteu nawa Uriasĩ aĩ biãkĩ mĩ aĩwaĩmawẽ taeshũ eã minabu kupikĩ betsa betsapawẽ hatube ẽ mia bika tenemakubaĩshanaii.

2 Samuel 12:10 Referencias Cruzadas

Gênesis 20:3

hanua usha namaya Deusũ Abimeleque yuikĩ: —Uĩwẽ. Aĩbu mĩ hatu iwemarã, huni betsã aĩki. Haskawẽ taea mĩ mawashanaii— aka

2 Samuel 18:33

hawẽ bake ma mawa unãtã huĩti meteshekei nishmahairatã mae hikiti shui mamaki dĩtu betsa manaũri anua kashanũ ika kai tapaitiwẽ inakaĩkĩ yuikĩ: —Ẽ bake Absalãonẽ! Ẽ bake Absalãonẽ! Mĩ shãtukũ ea ẽ mia mawashũpanã mĩ mia mawashuki. Ẽ bake Absalãonẽ! Ẽ bake Absalãonẽ!— ikũkaini dĩtu merã hikia kasha txakayamaya

Provérbios 17:13

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Amós 7:9

Hanushũ Isaque enabũ ha tari hiwe merãshũ ea kẽwãpaunibu yamawakĩ hatu keyumatã hanushũ Israelĩ enabu nortekiri hiweabũ hatũ mekenika yushibubu kẽwãti hiwe betsa betsapa hatu txakabuwamakĩ keyumatã heneshãkanikiki. Haska wakĩ Jeroboãonẽ enabuki sinatakĩ nupe txaipawẽ hatu deteshãkanikiki— inikiaki.

Mateus 26:52

Jesusũ hawẽ tsuma nemakĩ: —Ana hatu meama mĩ nupe ana hawẽri usũwẽ. Tsuabura nupe txaipawẽ detenameaibu habiawẽri mawashãkanikiki.

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

1 Tesalonicenses 4:8

Hanushũ tsuabũra na yusĩa danãkĩ hunĩ yusĩa danãma hakia Deusũ hawẽ Yushĩ Pepa matu inãmis danãkanikiki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.