hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.
Provérbios 15:15 - Kaxinawá Bíblia (BR) Tsuara bika betsa betsapa tenei shaba tibi nuitapakũkaini hiwemisbuki. Hakia tsuara huĩti benima hayarã, shaba tibi besi hawẽruai keskai hiwemisbuki. |
hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.
hatũ yuikĩ: —Ẽ bari itxapa tekikaĩriamaki, natiã 130 ano na mai anu maea akeakekĩ bika betsa betsapa tenei ẽ hiweyuaii, ẽ shenipabu hiweniti ẽ bari kemariamarã— akĩ
Hatũ huĩti benimairã, hatũ besu benimariai mapumisbuki. Hamẽ hatũ huĩti punu nukarã, kasha tenea mapumisbuki.
Huni shinã unanepatunã, ana tapĩhairanũ ishũ shinã bena nĩkakubaĩmisbuki. Hakia unaĩsmapabũ hawa pepa unãma atimapa besti shinãkĩ yui hiwemisbuki.
Mabu mirima hayabia hawẽ datei hiwekubaĩtirubuki. Hakia tsuara mabu eskarabesyabiatũ Senhor Deus duawakĩ hatu binuhairatirubuki.
Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.
Tsuara huĩti benimai pepeirã, dau pepa shea keskaki. Hakia tsuara huĩti nishmakĩ hawẽ benima heneirã, hawẽ yura babui keyumiski.
ha haska wabu habias mexu yamenapũ Deus dayuikĩ Paulo inũ Silasĩ hawẽ kẽwãti Deuskiri nawaibũ ha habu dukũ hatu bitximabũ hatu nĩkaibũ
Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.
Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.
Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.
Haskakẽ haska Cristo bikahaira hiwekĩ tenekubaini keska nũ hawenaburi hawẽ taea dayariai bikabiakẽ nũ hiweaburã, tsuabura habũri ikũwaĩ dayashũkĩ teneriaibu Cristo hau hatuwẽri nuinũ habu huĩti nixmabu binumakĩ hatu benimawakĩ xinã txãkãwãkubainãkãwẽ.
Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.
Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.