Provérbios 15:14 - Kaxinawá Bíblia (BR)

¹⁴ Huni shinã unanepatunã, ana tapĩhairanũ ishũ shinã bena nĩkakubaĩmisbuki. Hakia unaĩsmapabũ hawa pepa unãma atimapa besti shinãkĩ yui hiwemisbuki.

Provérbios 15:14 Referencias Cruzadas

Provérbios 1:5

Yurabu unanepa inũ tapĩhairanikatũ yusiã nĩkakĩ ana unanepahairakĩ dasibi haska tapĩkubaĩmis shinãkĩ ana shabakabi tapĩtirubuki,

Provérbios 12:23

Tapĩhairanika ibubis kẽkĩ hawara shinãkĩ unaĩ shabakabi hawaira hatu tashnimashuĩsmaki. Hamẽ unaĩsmapabũ hawa shinãma hawara hãtxa pema yuibaũmisbuki.

Provérbios 15:15

Tsuara bika betsa betsapa tenei shaba tibi nuitapakũkaini hiwemisbuki. Hakia tsuara huĩti benima hayarã, shaba tibi besi hawẽruai keskai hiwemisbuki.

Provérbios 18:15

Unanepa tapinikabunã, unanepa hãtxa sharabu benakĩ ana tapĩkubaĩmisbuki.

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Isaías 30:10

Ha habũ haskashanai bebũkiri unãmisbu habiabũri hatu yuikĩ: “Nama keskakĩ ana uĩyamakãwẽ”, ikĩ hanushũ Deusũ hãtxa yuishunikaburi yuikĩ: “Haska txanima mã uiaĩ ishanai nukuki txaniyamakãwẽ. Hawara nũ ikai hawẽ nuku dake wama nuku hãtxa pe besti wakãwẽ. Nũ kanebiaya haskaira nuku nemayamakãwẽ.

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Hechos 17:11

Deusũ Messias Jesus mekenãkiri hatu yusĩabu Tessalônica anua judeubu keskama Beréia anu judeubu pepabũ nĩkakatsis ikĩ: “Paulõ hãtxa txanimẽkaĩ? Txanimamẽkaĩ?” ikĩ Deusũ hãtxa kenenibu anua shaba betsa tukama tibi itxashũ tapĩkatsis ikĩ abukĩ uĩkubainaibũ

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro