Provérbios 15:13 - Kaxinawá Bíblia (BR)

¹³ Hatũ huĩti benimairã, hatũ besu benimariai mapumisbuki. Hamẽ hatũ huĩti punu nukarã, kasha tenea mapumisbuki.

Provérbios 15:13 Referencias Cruzadas

Neemias 2:2

ea yukakĩ: —Mĩ punu nukahaira ẽ mia uiaiĩ. Mĩ haskai ikai? Mĩ isĩ teneamabia haskai hawa shinãhairai mĩ punu nukamẽ?— ea wa ea haska wakĩ datea dateyabi

Provérbios 12:25

Tsuãra hawara bika tenehairai huĩti nishmai punu nukamisbuki. Hakia tsuãra hãtxa pepawẽ bika teneaibu merabewakĩ hatu benimawatirubuki.

Provérbios 14:30

Tsuãra hawara bika teneai henetã ana hawẽ nuiamakẽ hawẽ yuraki isĩ hikitirumaki. Hakia huni betsã mabu uĩ habias hayarianũ ika kemumisburã, hatũ yuraki isĩ shauki tekitã txapuai keskabuki.

Provérbios 15:15

Tsuara bika betsa betsapa tenei shaba tibi nuitapakũkaini hiwemisbuki. Hakia tsuara huĩti benima hayarã, shaba tibi besi hawẽruai keskai hiwemisbuki.

Provérbios 17:22

Tsuara huĩti benimai pepeirã, dau pepa shea keskaki. Hakia tsuara huĩti nishmakĩ hawẽ benima heneirã, hawẽ yura babui keyumiski.

Provérbios 18:14

Isĩ tenebiai hawẽ huĩti shinã txãkãtiruki. Hakia punu nukai keyua dakakẽ tsuã shinã txakawãkĩ benimawatirumaki.

João 14:1

nukuri Jesusũ yuikĩ: —Na haska ẽ txaniayarã, huĩti meteshei dateyamakãwẽ. Deus ikũwãkĩ eari ikũwãkãwẽ.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 7:10

Tsuabũra ikũwãkĩ nũ txakabu wai unãtã henenũ ikĩ xinã betsa wai nukũ huĩti nixmaya hau nukũ txakabu nuku buashunũ Deus benakĩ nũ ea akaya benimakĩ nukũ txakabu ana xinãma nuku hakimawakĩ Deusũ nuku buashũmiski. Hakia habũ Cristo ikũwãbumanã, hatũ txakabu unaĩ punu nukabia hatũ xinã betsa wama Deusũ hatu merabewama mawa kayabi hayapakeshanikiki.