Provérbios 14:12 - Kaxinawá Bíblia (BR) Hiwei pea dabanẽ merabenã bestikũkaini hãtxai hiwemisburã, bari hawẽ heneaitiã Deusũ hawẽ huĩti pema unãtã hatu kupishanikiki, mawa kayabimakinã. |
Hanushũ Jeroboão datekĩ shinãkĩ: “Senhor Deus kẽwãti hiwe Jerusalém anu bushũ Senhor Deus kẽwãkĩ txashuwã tesẽshũ hawẽ sheni inãkĩ kua keyukĩ hawẽ nami bawashũ Senhor Deus bebũshũ pi ano tibi Jerusalém anu butã butãkĩ ana Judá enabu shanẽ ibuhaira Roboão betxipaimakĩ taewatirubuki. Haska wakĩ ea hatu tenãmatã hanushũ Roboão ana txĩtuĩ hatũ shanẽ ibuhaira itiruki”, ikĩ
haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã
Yusiã nĩkaisma unaĩsmapaburã, dasibi hawara akubainai: “Ẽ pe hiweaki”, ishũ shinãkubaĩmisbuki. Hakia huni unanepabunã, huni betsã hatu merabewakĩ pe yusiaĩbu nĩka pewakubaĩmisbuki.
Haska hatũ hiwea bai pe dabanẽ txibãkubainaiburã, habũ hiwea hawẽ heneaitianã, hatu kupia mawa bestishãkanikiki.
—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.
Hawẽ haskati mã ikũkainimamẽ? Ha txakabũ yurabu hatu debuwamis hawẽ benuti bai mã txibãkubainimarã, natiã xinã betsa watã mã hawẽ dakeaii.
Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.
Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.
Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.