Provérbios 13:18 - Kaxinawá Bíblia (BR)

Hawẽ merabewati yusĩti hãtxa tsuãra danãmisrã, yumaĩ dakekubaĩshãkanikiki. Hakia merabewati yusĩti hãtxa tsuãra nĩkamisbu yurabũ hatu kẽwãshãkanikiki.

Provérbios 13:18 Referencias Cruzadas

Provérbios 12:1

Tsuãra nemati betxipaikĩ txibainã, habiawẽri unanepati hãtxa betxipairiaikiki. Hakia tsuara nemakĩ yusĩbiabu danãmisburã, unaĩsmapa bestiki.

Provérbios 13:13

Yunuti hãtxa danãkĩ pe shinãma hawara kanetã aitĩ itxakayamatiruki. Hakia yunuti hãtxa nĩka pewatã txibãkĩ manakuti pepa bishanikiki.

Provérbios 13:19

Hawara haska betxipaiai akĩ menetanã, hawẽ benimamisbuki. Hakia unaĩsmapabunã, shinã betsa watã hatũ txakabu henekatsi isbumaki.

Provérbios 13:25

Huni pepatũ pikĩ yaniwatã benimai shinã txãkãkũkaĩmiski. Hakia huni txakabũ pibiai bunikũkaĩmiski.

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 19:6

Tsuara shinãyã inũ mabu hatu inãmisburã, dasibibũ betxipaikĩ haibuwamisbuki.

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.