Provérbios 13:25 - Kaxinawá Bíblia (BR)

²⁵ Huni pepatũ pikĩ yaniwatã benimai shinã txãkãkũkaĩmiski. Hakia huni txakabũ pibiai bunikũkaĩmiski.

Provérbios 13:25 Referencias Cruzadas

Salmos 34:10

Tsuara mabuwãyã hiwemisburã, benui keyuaya nuitapai ana hawa hayama buni teneshãkanikiki. Hamẽ tsuabũra Senhor Deus benakubaĩmisburã, hawa hawẽ hamapai tibi pepa benuama ikũkaĩshanikiki.

Salmos 37:16

Ha huni pepa mabu eskarabesya hiwearã, haska peki, haska huni mabuwãyãtũ shinaĩ txakabumisbu keskamarã. Hanua huni pepa mabu eskarabes haya hawa hawẽ mabu shinãma ha mabuwãyã binuaki.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Provérbios 10:3

Huni pepabu buniaibu Senhor Deusũ merabewakĩ hatu piti inãkĩ bunimamamiski. Hakia huni txakabubu hawara piti pepawẽ kemuaibu Senhor Deusũ hatu yaniwamaismaki, kupikinã.

Provérbios 13:18

Hawẽ merabewati yusĩti hãtxa tsuãra danãmisrã, yumaĩ dakekubaĩshãkanikiki. Hakia merabewati yusĩti hãtxa tsuãra nĩkamisbu yurabũ hatu kẽwãshãkanikiki.

Provérbios 6:11

Txikishi mã hawa dayamawẽ taea hawa hayama mã nuitapakũkaĩshanaii, huni daya hayabumã matũ mabu matu biãbaina keskairã.

Lucas 15:14

hawẽ pei yamakẽ ha mai pakeanuabu buni taeaibũ hawẽ bake mashku buniriakĩ

2 Tesalonicenses 3:10

Haska matu yusĩ kaimashũ matu yunukĩ: “Tsuabura dayakatsi ikama txikixaiburã, hau hatu pimayamarianũbũwẽ”, iwanã, nũ matu yusĩmaki.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.