Provérbios 10:29 - Kaxinawá Bíblia (BR)

Senhor Deusũ hatu mekekinã, habũ pepa wakubainaibu hatu mekemiski. Hakia habũ txakabuwakubainaiburã, Senhor Deusũ hatu kupikĩ yamawamiski.

Provérbios 10:29 Referencias Cruzadas

Jó 31:3

Huni txakabubu inũ tsuabura yubakabiatã hawa akabuma habu ishãkanikiki, nuitapairã, habu ana hawa pe hiweamarã.

Salmos 1:6

Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Salmos 37:20

Huni txakabubu mawairã, basi txushi ketikainai keskashãkanikiki. Tsuãra Deus danaĩ haki sinatamisrã, txi kuĩ hushumayabaini yamamis keskashãkanikiki.

Salmos 84:7

Hatũ kushipa Deus anua bi ewakubaĩkĩ ha maewã Sião Jerusalém anu uĩkĩ Deus kushipa binua uĩshãkanikiki.

Provérbios 11:7

Hamẽ huni txakabu hiweshũ hamapai tibi itxawanũ ishũ shinãbiamisbu mawai hakimai dasibi keyushanikiki.

Provérbios 13:6

Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.

Provérbios 21:15

Shanẽ ibubũ yunuti kushipa pepawẽ yunukubainaibũ huni pepabu benimamisbuki. Hakia shanẽ ibubũ hãtxa nĩkama hunibu atimapakubaĩkĩ hatũ mabu benukĩ keyumisbuki.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.