Mateus 12:38 - Kaxinawá Bíblia (BR)

hatu haska wai nĩkatã hanushũ fariseubu inũ Deusũ hãtxa kenenibu yusĩnanãmisbũ Jesus yuikĩ: —Yusĩnaã, nũ uĩnũ naiuria haska tsuã dami atimaska kaĩmaisma nuku ashũwẽ— akabu

Kashinawa : Diosun Jesúswen taexun yuba bena yiniki

jatu jaska wai ninkatan januxun fariseobu inun Diosun jancha kenenibu yusinananmisbun Jesús yuikin: —Yusinaan, nun uinun naiudia jaska tsuan dami atimaska kainmaisma nuku axunwen— akabu

Mateus 12:38 Referencias Cruzadas

Mateus 12:37

fariseubu ana yuikĩ: —Hamẽ matũ hãtxa tibi xinãkĩ Deusũ matu unãti washanikiki, “Mĩ pemẽkaĩ, mĩ txakabumẽkaĩ”, akĩ Deusũ unãtã matu kupishanikiki— hatu waya

Lucas 11:16

betsabũ Jesus unãti wanũ, ishũ Jesus yuikĩ: —Deus anua hawẽ unãti dami nuku ashũwẽ, mĩ hawẽ kuxipa haya nũ uĩnunã— akabu

Lucas 11:29

hanua ana haki yurã kaiã itxabirãbirani mapubaunaibũ Jesusũ hatu yuikĩ: —Nukunabu na habiatiã mã hiweaburã, mã txakabuki. Hamapai Deus anua unãti tsuã atiruma uĩkatsi mã ea yukabiamisrã, Deusũ Jonas bakawã sheamaxina ana kaĩma hiwenirã, haska keska besti Deusũ matu uĩmakĩ matu ashũriashanikiki. Xinãkãwẽ.

João 2:18

judeu shanẽ ibubu beshũ Jesus yukakĩ: —Mĩ haska washurã, pemẽ? Ha kuxipawẽ mĩ hatu akairã, hawẽ nũ mia unãti wanũ hawara dami atimaska wakĩ nuku ashũwẽ— akabu

João 4:48

Jesusũ yuikĩ: —Matunã, hawẽ unãmati dami atimaska ẽ akai uĩyama mã ea daki ikũwãbumaki— aka

João 6:30

betsabũ nĩkama ana yukakĩ: —Mĩ Deus anuarã, nuku ikũwãmakatsirã, hawa hawẽ unãmati mĩ nuku ashũkĩ kayati wamatirumẽ, nũ mia hawẽ taeshũ ikũwanũbunã? Nukũ yusĩnã Moiséskiri mia yuinũ nĩkawe. Hanu tsua hiweabumanu nukũ shenipabu hatu iyuyama hari hiweabũ Deus anua maná duru butea pikubaunibuki. Haska wanibu kenekĩ: “Pimakĩ nai anua Moisés misi hatu pimakubaũpauniki”, inikẽ damiwakĩ Moisés mĩ binua ikai?— akabu

1 Coríntios 1:22

Haska inũ, dami itimaska besti judeubũ uĩtã besti ikũwãtirubuwẽ taeshũ Messias Cristo yumetsu keska mawakĩ hatũ nukũ txakabu buani nũ yusĩmis danãkĩ habũ xinãkĩ: “Haskai e iskirã nukũ Shanẽ Ibu hua mawakeanamaki”, akĩ yuimisbuki. Ha inũ, ikũwãriama judeubumã dasibi unãkatsis imisbuwẽ taeshũ habũ xinãkĩ: “Deusũ bake cruz anua mawaxina ana besteni tatimabũ besti ikũwãtirubuki”, iwanã, yuimisbuki. Haskabiaibũ nukũ txakabu buakĩ hawenabu nuku wai cruz anu yumetsu imis keskai Cristo nuku mawashunikiri nũ yusĩkubainaii, hatuki e iki dakeamarã.