Marcos 11:21 - Kaxinawá Bíblia (BR)

Jesusũ haska yuiai nĩkaxĩshũ Pedrõ xinãkĩ Jesus yuikĩ: —Uĩa. Yusĩnaã, ha hi bimiuma mĩ yupuxinarã, ma shanaxinabĩ— akaya

Kashinawa : Diosun Jesúswen taexun yuba bena yiniki

Jesúsun jaska yuiai ninkashinxun Pedron shinankin Jesús yuikin: —Uian. Yusinaan, ja ji bimiuma min yupushinadan, ma xanashinabin— akaya

Marcos 11:21 Referencias Cruzadas

Provérbios 3:33

Senhor Deusũnã, hunĩ txakabuwamisbũ enabu yupukĩ hakia pepabũ enabu hatu duawakubaĩmiski.

Mateus 21:19

hi betsa figueira benãta tupã bai kesha nia betxitã hawẽ bimi hayamẽkaĩ uĩtanũ ika kashũ hawa bimi hayama hawẽ peis besti uĩkĩ Jesusũ hi bimiuma yupukĩ yuikĩ: —Hau tsuã mĩ bimi ana piyamashanũbũ ana bimitaskayamashãwẽ— akaya haskabiama e iskaũ hawẽ pei niri iki shanaya

Mateus 23:7

Ha inũ, bai shesha tibi mapua mabu inãnanãmisbu anushũ: “Yusĩnaã, akĩ hau ea duawanũbũ”, ika mapumisbuki.

Mateus 23:8

Hakia maturã, habu ikai keska iyamashãkãwẽ. Yurabu kenamakinã, hakia matũ yusĩnanã bestitxaiki. Ha ikũwaĩ mã hawẽ betsabu inũ hawẽ puibu bestiki. Haskawẽ taeshũ: “Yusĩnaã”, akĩ hau matu kenayamashanũbũwẽ.

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

João 4:31

ha haskaibũ nũ hawẽ tsumabũ Jesus yuikĩ: —Yusĩnaã, nũ mia piti bishũtãshurã, menã piriwe— nũ akãwã

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.