Lucas 19:47 - Kaxinawá Bíblia (BR) hanushũ shaba tibi Templo hemaĩtĩ anushũ Jesusũ hatu yusĩkubainaya Deusbe nukunabu hãtxashunikabu shanẽ ibubu inũ, Deusũ hãtxa kenenibu yusĩnanãmisbu inũ, judeubu shanẽ ibu betsa betsapabũ Jesus haska datanai detenũ ika yuinamebiakubainaibũ Kashinawa : Diosun Jesúswen taexun yuba bena yiniki januxun xaba tibi Templo jemaintin anuxun Jesúsun jatu yusinkubainaya Diosbe nukunabu janchaxunikabu xanen ibubu inun, Diosun jancha kenenibu yusinananmisbu inun, judiobu xanen ibu betsa betsapabun Jesús jaska datanai detenun ika yuinamebiakubainaibun |
hanua Templo hemaĩtĩ anu hikishũ Jesusũ yura itxapabu kakape yuikĩ hatu yusĩayã Deusbe nukunabu hãtxashunika shanẽ ibubu inũ shanẽ ibu betsabũ Jesus nemanũ ika beshũ yukakĩ: —Na mĩ eska wairã, tsuã hawẽ kuxipa mia yunuimawẽ mĩ aki ikai? Tsuã hawẽ kuxipa mia inaĩmamẽ, mĩ haska wanunã?— akabu
mapuabu uĩkĩ hatu yuikĩ: —Uatiã shaba tibi Templo hemaĩtĩ anushũ ẽ matu yusĩkubainai mã ea shabakabi atxiama ikubaĩxinabuki. Haskai natiã mexu merã yumetsu atximisbu xinaĩ hawẽ deteti nupe txaipaya inũ hawẽ kuxati hiya mã bekãshumẽ?
hawẽ hãtxa nĩkai Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbũ xinãkĩ habiari yurã kaiãnẽ hawẽ hãtxa ikũwaĩbuwẽ taea haki sinatai Jesusũ yusĩkĩ hatu binutiru xinaĩ haki datei haskatã tenãtimẽ ika yubakai taeaibũ
na miyuiwẽ hatu ha akĩ txiteai unãkĩ shanẽ ibubũ Jesus atxikatsis ibiai yurã kaiãki mesekĩ hawa meama heneyunibukiaki.
Ha Páscoatianã, Egito anushũ Deusũ yunua debuwanika nai tsumã nawã bakebu tenãkĩ nukũ shenipabu dũkebaini xinãmatitianã, usha dabe ma kemai misi shashama nũ pimis ma kemaya Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbũ Jesus hune parãshũ atxitã tenãnũ ika yubakaibũ
yura itxapabũ Jesusũ yusĩaĩ abukĩ nĩkahairaibuwẽ taeshũ haska washũ tenãtima bika tenenibukiaki.
hanushũ Deusbe hawenabu hãtxashunika shanẽ ibubu inũ Deusũ hãtxa kenenibu yusĩnanãmisbũ Jesusũ dayakapabu txakabubukiri miyuiwẽ hatukiri hãtxai habũ nĩkakĩ unãtã haskaitiã Jesus atxikatsis ibiai yurã kaiãki datekĩ hawa meama mapushũ uĩkĩ
Jesusũ kemakĩ: —Nĩkaibũ ẽ hãtxakũkaĩmiski. Hanu itxati hiwe tibi inũ Templo hemaĩtĩ anushũ nukunabu itxamisbu anushũ shabakabi dasibibũ berubi ẽ hatu yusĩmiski, hune hatu yusĩamarã.
Txanima Deusũ hãtxa Moisés matu yusĩbiani mestẽwãtã matũ huĩtinĩ Deusũ hãtxa tsuã mã txibaĩsbumaki. Haskawẽ taeshũ haska xinãma mã ea detekatsis ikanaii— hatu waya