Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.
Lucas 12:21 - Kaxinawá Bíblia (BR) Ha huni keskakĩ tsuabũra hamebi mabu itxawakĩ yauxikĩ Deus haibuwama Deus bebunua nuitapaikiki— iwanã, Kashinawa : Diosun Jesúswen taexun yuba bena yiniki Ja juni keskakin tsuabunda jamebi mabu ichawakin yaushikin Dios jaibuwama Dios bebunua nuitapaikiki— iwanan, |
Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.
Tsuabubera hatube detenamekĩ mese binutã hatũ mabu yumetsubirã matũ hiwe tibi mã mata wamiswẽ taearã, matu anu kupiti mese huayarã, mã peirashãkãwã!
Matũ mabu hawara ma hayawẽ nuiama matũ mabu betsawẽ pei bitã hawẽ nuitapaibu merabewakubaĩshãkãwẽ. Hamẽ ha pei matũ kapãkãki mã arua yumetsubũ bibaĩtirubuki. Ha inũ, hawẽ masãnẽ pesa pesa atiruki. Hakia matũ pei yauxiama mã inãnanãmisbu pewẽ matu kupikĩ nai anua hawa txapui keyuisma Deusũ matu inãshanikiki.
Haskakẽ mai anua mabuwẽ kemukĩ mã pe meketirumakẽ Deusũ daya pepahaira matu yunuamari ishanikiki.
mapuaburi yuikĩ: —Hamẽ maturã, mabuwẽ hiwei keĩ “Ẽ mabu mirima hayaki”, iki tsuabura natiã mã hawẽ benimaii. Hakia uatiã mã nuitapashanaii.
Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.
Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.
Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.
Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.
Natiã bika betsa betsapa tenei hawauma mã nuitapaibu ẽ unaiĩ. Haskabia txanima matũ manakuti itxapa nai anu matuki nũ tana mã hayaki. Ha inũ, habu matukiri hãtxa atimapa hãtxai inũ ibubiskiri yui: Ẽ judeuki, ibiai ikũ kayabiwama haska Satanásã abuai besti txibãmisbu ẽ hatu unãriaii.