Lucas 12:20 - Kaxinawá Bíblia (BR)

²⁰ hanushũ Deusũ yuikĩ: “Haskamaki. Haska mĩ yuiairã, mĩ unãmahairaki. Na habia mexu merã mĩ mawaya ha mĩ mabu mĩ pewakĩ keyushurã, tsuabũra pashkashãkanikiki”, akĩ yuitiruki.

Kashinawa : Diosun Jesúswen taexun yuba bena yiniki

²⁰ januxun Diosun yuikin: “Jaskamaki. Jaska min yuiaidan, min unanmajaidaki. Na jabia meshu medan min mawaya ja min mabu min pewakin keyuxudan, tsuabunda paxkaxankanikiki”, akin yuitiduki.

Lucas 12:20 Referencias Cruzadas

Ester 5:11

bushũ hatu yuiabu dasibi bei haki nukui itxaibũ ibubis kẽkĩ hatu yuikĩ: —Mabu inũ pei mirima ẽ hayaki. Ẽ bakebu itxapaburi ẽ hayaki. Shanẽ ibuhaira merabewanikabu inũ hawẽ shanẽ ibubu beshmasbu ea hatu binumakĩ ẽ habetã yunukubaĩshanũ shanẽ ibuhaira Assuerõ ea katuima ea besti ẽ pehairaki— itã

Salmos 73:19

Hawa manama hawaira mĩ hatu yamawashanaii. Habu date betsa betsapaya dasibi keyushãkanikiki.

Provérbios 10:2

Mabu besti itxawakĩ hatu parãtã itxawairã, hawẽ pe hiwetirubumaki. Hakia haska Deusũ betxipaiai pepa besti txibãkubaĩmisburã, mawa kayabi anu kama piskutirubuki.

Provérbios 11:4

Senhor Deusũ hanu unãti wakĩ hatu kupiaitianã, tsuara mabu itxapayabia hawa hatu merabewatirumaki. Hakia tsuara hawẽ yunutiwẽ parananãma ikũkainairã, mawa kayabi anua Senhor Deusũ hatu pashawashanikiki.

Provérbios 13:7

Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.

Lucas 11:40

Mã unaĩsmapabuki. Bemakia hawara mã uĩtiru txukakĩ mã pewabiamis matũ huĩti uke merã txakabubiakẽ mã unaĩsmaki. Matũ mekẽ mã uĩtiru inũ hawara uke merã mã haya habias Deusũ damiwaniki. Xinaĩrakãwẽ.

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.

1 Timóteo 6:7

Na mai anu tashnirã, nũ hawauma kaĩniki. Hanua mawakaĩkĩ nũ hawa buama iriashanaii.

Santiago 4:14

Mexukiri hawara kaĩkĩ mia itimaska watiru mĩ unãmaki. Nukũ hiwearã, basnũ keskakiri nũ xinãtirubuki. Penama basnũ bututã mayakabiashu hawaira pua iki maĩbaĩmis keskai natiã mã hiwebia mexukiri mã mawatiru tsuã unãmariki.