Joel 2:19 - Kaxinawá Bíblia (BR) Senhor Deusũ hatu itxakawama hatu yuikĩ: “Matũ piti hau keyuyamanũ shekiwã trigo inũ, uva vinho inũ, piti sheni ẽ matu yunukubaĩshanaii, ha pi mã benimai pe pekubaĩshanũbunã. Ha dikabi ikũwãbuma hau matuki ana kasheyamanũbũ ẽ hatu matu nemashũkubaĩshanaii. |
Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.
Harishũ matũ beya txakabu betsa betsapa ẽ matu putamashanaii. Matũ shekiwã trigo matu hamẽ ashũkĩ ẽ ana matu buni yunuama ishanaii.
Ha dikabi hau yurabu hiwebaũshũ matu uĩkubainũbũ buni paewẽ mã ana dakeyamashanũbũ matũ mibã hi inũ matũ bai anu mibã tibi bimihaira ẽ matu washũkubaĩshanaii.
Yunu bai dasibi hawa hayama shaba besti dakaki, mai besti pes daka kashai keskarã. Shekiwã trigo shiniwanẽ pikĩ ma keyukĩ benuabuki. Uva nishi bana ma shanai keyuaki, hawa betsa taska besheamarã. Oliva hi pei dasibi ma pashĩ keyua dakariaki.
Matu haska waiwẽ taeshũ matũ shekiwã trigo bimi txakama mã tsekashanaii. Ha dikabi uva vinho inũ piti sheni itxapahaira mã hamẽ ashanaii.
Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.
hawẽ mae Belém anu Senhor Deusũ yunu ma hatu ana pawashunima Moabe anushũ Noemi bana nĩkatã