Joel 2:18 - Kaxinawá Bíblia (BR)

¹⁸ haska hãtxa yuiaibũ hawenabuwẽ nuikĩ hawẽ mai pakea betxipaikĩ hatu shinaĩ uĩmakĩ

Joel 2:18 Referencias Cruzadas

2 Reis 19:31

Mati Sião anu habu mawama ikimabu hiweriabu hatiri Jerusalém anu bashikui hiweimabuwẽ taea Senhor Deus kushipa dasibi binu keyuatũ hatu mekekubaĩshanikiki, hawẽ nui paewenã”, atã

Isaías 42:13

Senhor Deus hawa dateama mẽtsisipa keskai kaĩkirãshanikiki, hatu maematanũ ika detenamenika keskai bebukainirã. Hatu maemanũ ika bui hari sai sai ibaĩmisbu keskakĩ hawẽ hui tashnimashanikiki, haska kaĩkĩ haki sinataibu yamawanũ ikarã.

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Isaías 63:15

“Senhor Deusuũ, hanu mĩ ika naiuri mĩ mae meribi pepa anu hari hiweshunã, nukukiri shinãwẽ. Hania? mĩ nuikipa pepahaira inũ mĩ kushiparã. Hania? mĩ hawẽ nuku shinãmisrã. Mĩ nukuwẽ dabanã imisrã, mĩ ma nuku hatsãmẽ?

Isaías 63:9

bika betsa betsapa mekĩ teneaiburã. Habu hau hatu hãtxashunũbũ Deusũ yunuismarã, haburã, hatu piskumamaki, ibubis Senhor Deusũ hatu wakinã. Senhor Deus nukuwẽ dabanã ikĩ nukuwẽ nuikinã, nuku mebikinãmiski, nuku mekeshũ nuku ikuai keska wakinã. Haska nuku ashũkubaĩmis keska wakĩ nuku ashũkĩ heneama ikũkainiki.

Lucas 15:20

nawa henebaini hawenabu anu txĩtũkaini hawẽ epã hiweki kemariamabiakẽ txaike hawẽ epã betxibaini hawẽ nui kuxikaini haki nukutã benimahairakĩ ikushũ tãtsu tãtsu akaya

Santiago 5:11

Ha inũ, txĩtuãbumawẽ taeshũ Deusũ duawakĩ hatu kẽwãkubainiki. Nukubu nũ xinã txãkãkatsis ikairã, hawara bika tenekĩ haska besti meama hawẽ kuxipakĩ binukĩ nũ tenetirubuki, haska nũ abuamabiarã. Haska nukũ shenipabu Jó ini mã nĩkamiskiri shabakabi ana matu xinãmanũ nĩkakãwẽ. Hamapai bika tibi yurabũ tenetirubu Jõ tenekubainaya hawẽ yura txami keyuni inũ hamapai bikahaira teneai Deusũ nemama ibiaya Jõ Deus ikũwãpakekubaini txĩtuãma inikiaki. Haska Jõ ikũhairawai nukũ Shanẽ Ibu Deusũ haskara watã hawẽ nuikĩ duawakĩ atimas hawẽ isĩ shushawatã ana hawenabu inũ hawẽ yuinaka debui keyuima ana hawẽtxaĩs inãkeakebainikiaki, hawẽ xinã pepawẽ Deus Jówẽ nuikinã, nukũ Shanẽ Ibu nui txakama inũ merabenã txakaismatũ hawẽ nuikĩ ashũkinã.