Joel 2:17 - Kaxinawá Bíblia (BR)

¹⁷ Senhor Deusũ kẽwãti hiwe Templo hemaĩtĩ anu itxabu bebũ nikaĩ Deusbe nukunabu hãtxashunikabu Senhor Deus dayashũmisburã, ha meribi dĩtu beputi anu hawẽ kẽwãti txi tapu namakis nia kashakĩ eska hãtxa Senhor Deus hau yuinũbũwẽ: “Senhor Deusuũ, minabũ txakabu tere atã ana shinãyamawe, hau ana tsuabura minabuki kashekubaĩyamanũbunã. Minabu nawa betsabũ hatuna wakĩ ibuwatã hau ana hatu yunuyamashanũbũwẽ. Habũ ikũwãbumã mikiri hatu yukakĩ: ‘Hania, matũ Mekenika Deusrã? ikĩ hau ana haska hatu yuiyamakubainũbũwẽ’ ”, ikaibũ

Joel 2:17 Referencias Cruzadas

1 Reis 6:3

hanu hikiti shui bebũ hawẽ bepuru hanu utati deshaba wakĩ Salomãonẽ hatu yunua ana txitxikĩ haska wakĩ hawẽ txaipa 9 metro ha kẽwãti hiwe hawẽ hashpa habiatiubukũs wakĩ hawẽ deshaba 4 metro meio inũ hawẽ keyatapa 8 metro wakĩ txipu mane txibu washanaibu unãtã hi txibu nitxiãbu

1 Reis 9:7

na mai pakea matũ shenipabu ẽ ibu wamani anua Israelĩ enabu betsekĩ akawatã ẽ hatu putashanaii. Ha dikabi na kẽwãti hiwe ẽ pepa washina ẽ ana shinãkĩ mekeama ishanaii. Ha dikabi tsuabura hiwebaunabũ Israelĩ enabukiri shinaĩ kashekubaĩshãkanikiki.

Salmos 115:2

Haskakĩ ikũwãbumã nuku yukakĩ: “Hanimẽ, matũ Deusrã?” ikaibũ

Salmos 42:10

Habu eki sinataibũ ea itxakahairawabu tenei ẽ shau dikabis ea isĩ tenemakĩ hora tibi habu eki sinataibũ hawẽtsaĩs ea bikawakĩ yukamisbuki: ‘Hanimẽ, mĩ mekenika Deusrã?’ ” akinã.

Salmos 42:11

Deus ikũwaĩ haki txiti itã hawa heneama Senhor Deus ẽ mekenã ẽ kẽwãkubainaii. Ana punu nukatã ẽ hawa beshteketirumaki. Haskai ẽ hamapai tibiwẽ ẽ ana nuiamaki. Ha bestihaira ẽ Deus inũ ẽ mekenikaki!

Salmos 42:3

Bariri inũ meshu merã kashai ẽ beũ hene habamisrã, harã, ẽ pitiki. Ẽ haskaitianã, bari tibi hawẽtsaĩs habũ ea bika wakĩ yukamisbuki: “Hanimẽ, mĩ mekenika Deusrã?” akinã.

Salmos 42:4

Ea haska tibi yuikĩ ea shinãmabu eã dasibi ẽ hawẽ bika teneai ẽ huĩti ẽ mia bepẽshũmiski. Mĩ tari hiwe anu enabu ẽ hatu iyuaya habũ ekiri shinãkĩ benimakĩ hatũ huĩti hirabiwẽ haska mia kẽwãkubaini nũ haskanirã, ẽ shinaiĩ. Mikiri besi pepa ẽ hakimamaki!

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Joel 1:13

Matu mã nukunabu Deusbe hãtxashunikabuũ, Senhor Deus kẽwãti hiwe Templo anu dayakĩ shekiwã trigo duru inũ uva vinhowẽ nukũ mekenika Deus hawẽ txi tapu anushũ mã ana inãkuĩtirubumaki. Haskawẽ taea matũ tari pepa pekatã nui tari besha sawetã nuitxakayamai kasharikubaĩkãwẽ.

Joel 1:9

ẽ kẽwãti hiwe Templo anushũ Senhor Deus kẽwãkĩ inãkuĩti shekiwã trigo duru inũ uva vinho ana hayamawẽ taea nukunabu Deusbe nuku hãtxashunikabu ma kashakubaĩkanikiki.

Amós 7:2

shini beshũ basi pikubaĩkĩ hawẽ henekĩ piaibũ eã yuikĩ: —Senhor Jeovaã, nukũ txakabu nuku buashũwẽ! Jacó enabu nũ itxapamawẽ taeshũ hatitũ nũ tenetirubumaki, debui keyukinã— ẽ wa

Amós 7:5

eã yuikĩ: —Senhor Jeovaã, nukuwẽ nuikĩ menaã, neri iweama habiari niti awe! Jacó enabu nũ itxapamawẽ taeshũ ha txi nũ betsistirubumaki, debui keyukinã— ẽ wa

Miquéias 7:10

Eki sinataibũ ea bika wakĩ yukakĩ: “Mĩ Mekenika Senhor Deusrã, hanimẽ? Huama daka? mia merabewairã”, ea akubainimabũ Senhor Deusũ hatu maemai uĩriashãkanikiki, haska hãtxa txakabu kaĩkaĩkĩ hatu dakewarã. Baiwẽ kakĩ pupus pema pema aka keska wakĩ hatu kupiaya hatu haska wai uĩ ẽ shinã txãkãshanaii.

Malaquias 1:9

Hau nukuwẽ nuinũ matubunã, menã hawaira Deus yukarikãwẽ. Hakia inabu atimapa sharabu mã hawa shinãma mã menushũmisrã: “Deusũ ea betxipaishũkĩ ewẽ nuishanikiki”, ikĩ manakĩ haska shinãyamakubaĩkãwẽ. Deus kushipa dasibi binuatũ eska matu yuikiki:

Mateus 23:35

Mã hatu haska washanaibuwẽ taeshũ bebũkiri matũ shenipabũ Adãonẽ bake betsa Abel huni pepa tenãnishũ hanushũ huni pepa betsabu hatuki sinatakĩ tenãkubirãkĩ hawẽ henekĩ Baraquiasĩ bake Zacarias na habia Templo hemaĩtĩ anu txi tapu fogão dapikea tenãnibuwẽ taeshũ maturi Deusũ kupishanikiki.

Josué 7:9

Enabu kushibirãkãshu nĩkatã Canaã nawabu inũ ha dapi nawa tibi dasibi nenu hiwebaunabu benimai shukui dasitã nuku dasibi detekĩ keyutã nukũ kena ana nuku shinãtimawashãkanikiki. Haska watã mĩ kena kushipawẽ mĩ nuku iwekubirãshinarã, haskara mikiri shinãshãkanimẽkaĩ?— aka