João 17:20 - Kaxinawá Bíblia (BR) Na ẽ haibuaibu besti xinãkĩ habukiri besti ẽ mia yukashunamaki. Hakia habũ hatũ hãtxa kakape nĩkatã ea ikũwãshanaiburi ẽ mia hatu yukashunaii, mĩ haburi mekekubaĩshanunã. Kashinawa : Diosun Jesúswen taexun yuba bena yiniki Na en jaibuaibu besti shinankin jabukidi besti en mia yukaxunamaki. Jakia jabun jatun jancha kakape ninkatan ea ikunwanxanaibudi en mia jatu yukaxunaii, min jabudi mekekubainxanunan. |
Nenu besti enabumaki, na txashuwã kene anuarã. Hakia txashuwã betsaburi Deusũ ea ma yununiki. Israelbumabiakẽ haturi ẽ mekekubaĩshanaii. Ẽ hui nĩkaibu txashuwã shukua bestitxai mekenika bestitxaiya keska Israelbũ ea ikũwaĩbube Deusũ enabu dasibi ea iweshũshãkanikiki, hatuki dasi wakinã.
Hatuwẽ taea ea dukũ iki ẽ hatu meribishũshanaii. Haskawẽ taea txanima haburi hau mĩ hãtxa txanima kayabiwẽ meribirianũbunã, hawa kanetimarã.
Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.
hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.
ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.
natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.
Ha haska hamebi huyamashũ betsabu hawẽ kuxipayabu hatu wakĩ betsabu hawẽ hãtxa yuishunikabu hatu wakĩ betsabu hakiri kakape txanikubaunikabu hatu wakĩ betsabu yusĩnanaĩ mekenikabu hatu watã hatu yunuakeakebainiki.
Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.