Hechos 5:16 - Kaxinawá Bíblia (BR) hanua ha dikabi hanu Jerusalém dapi hiwebaunabũ hatũ yurabu isĩ teneaibu inũ yushĩ txakabũ betsa betsapawẽ hatu nuitapawamis habu Jesusũ kuxipayabu anu hatu iweriabirãbiranaibu dasibibũ ea akaibu haburi hatu shushawakĩ keyurianibukiaki. Kashinawa : Diosun Jesúswen taexun yuba bena yiniki janua ja dikabi janu Jerusalén dapi jiwebaunabun jatun yudabu isin teneaibu inun yushin chakabun betsa betsapawen jatu nuitapawamis jabu Jesúsun kushipayabu anu jatu iwediabidanbidanaibu dasibibun ea akaibu jabudi jatu xuxawakin keyudianibukiaki. |
Hanua Herodes bixi unãnikabũ parãbaĩxinabu ana beabumakẽ Herodesĩ unãtã sinatahairakĩ haska bixi unãnikabũ yuibaĩxina huni bake bari dabeyariabuma inũ bari dabeyabu hau dasibi hatu detekĩ tenãtanũbũ hawẽ soldadobu yunua Belém inũ ha dapi hiwebaunabu anu bushũ detekĩ tenãkĩ keyunibukiaki.
hanua Síria mai pakea hirabi anushũ Jesusũ hatu shushawai kakaibu nĩkatã isĩ betsa betsapa teneaibu inũ, yushĩ txakabuyabu inũ, yura txakabu saki saki ikaibu inũ, yura babubu nuitapaibu hatu iwebirãbiranaibu Jesusũ hatu shushawakĩ kayawapakeaya
hanua ma bari kai mexuaya ha mae anu hiweakeakeabũ yushĩ txakabu hayabu inũ isĩ betsa betsapa teneaibu Jesus anu iweabu yushĩ txakabu kaĩmakĩ isĩ teneaibu dasibi shushawanikiaki.
Hanua ana shaba betsatiã Galiléia inũ, Judéia mae betsa betsapa anua inũ, Jerusalém anuari bexĩshũ Jesusũ yusĩaĩ nĩkai tsauwabũ habianuri Moisés hãtxa txibãhairanika fariseubu inũ Moisés hãtxa yusĩnanãmisbu hiwe merã itxashũ Deusũ shushawati kuxipayatũ Jesusũ hatu yusĩayã
yurã kaiãnẽ unãtã Jesus txibaĩbu hawa hatuki sinatama hatu ikĩ pewashũ Deus shanẽ ibushanaikiri yusĩkĩ isĩ betsa betsapa teneaibu shushawabaiaya
Txanima ẽ matu yuiai nĩkakãwẽ. Tsuabũra ea ikũwãkĩ ẽ haska amis mã ariakubaĩshanaii. Ha inũ, ẽ Epa Deus anu ẽ kashanaiwẽ taeshũ ẽ kuxipayabũ ea merabewakĩ hatu ikũwãmakĩ dami atimaska ewapa wakĩ ea binushãkanikiki.
Mĩ kuxipa paewẽ isĩ teneaibu shushawakĩ dami atimaska tsuã atiruma mĩ tsuma meribi Jesus mĩ waniwẽ hawẽ kuxipawẽ nuku amakĩ nuku hatu uĩmakubaĩwẽ— akĩ
hanua betsarã, tsuabũra hatunabu isĩ teneaibu hawẽ dakatiki iweshũ bai kesha hanu Pedro huai anu xinãkĩ hau ha kawãkĩ hawẽ yura baka utawẽ hau shushawashunũ isĩ teneaibu hanakubainabu Pedro hanu kakĩ ha isĩ teneaibu bestibu hatu shushawakubainaya
Ha hatu haska waibutiã Deusbe hawenabu hãtxashunika shanẽ ibuhaira inũ saduceu habũ txibãmisbu habianushũri Jesusũ kuxipayabu hatu uĩ hatũ kuxipawẽ kemubiai hatuki sinatakĩ
Betsa habias Yushĩwẽ hawẽ kuxipa yunukĩ hawa dateama xinã betsa betsapama ikũhairawanikabu wakĩ betsa isĩ teneaibu hatu kaya wakĩ shushawanika wakinã,
Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.