Mateus 8:16 - Kaxinawá Bíblia (BR)

¹⁶ hanua ma bari kai mexuaya ha mae anu hiweakeakeabũ yushĩ txakabu hayabu inũ isĩ betsa betsapa teneaibu Jesus anu iweabu yushĩ txakabu kaĩmakĩ isĩ teneaibu dasibi shushawanikiaki.

Kashinawa : Diosun Jesúswen taexun yuba bena yiniki

¹⁶ janua ma badi kai meshuaya ja mae anu jiwea akeakeabun yushin chakabu jayabu inun isin betsa betsapa teneaibu Jesús anu iweabu yushin chakabu kainmakin isin teneaibu dasibi xuxawanikiaki.

Mateus 8:16 Referencias Cruzadas

Êxodo 15:26

Hanushũ Senhor Deusũ hatu yubakĩ yuikĩ: “Haska ẽ matu yunuai besti ea benimawakĩ ẽ yunuti akubaĩkĩ ẽ nemati nĩka pewakubaĩkĩ ẽ hãtxa dasibi mã nĩkakubainaibũ Egito nawabu ẽ hatu yumãwãshina keska wakĩ ẽ matu kupiama ishanaii. Hamẽ mã ea nĩkamahairakẽ ẽ matu kupishanaii. Earã, ẽ Senhor Deuski, matũ shusha wanikarã, ẽ ea bestiki.”

Mateus 12:22

Habianushũri yushĩ txakabũ huni beshush wakĩ huyu wani Jesus anu iweabu hawẽ yushĩ txakabu nitxĩkĩ Jesusũ shushawa hanushũ uĩ pewai hãtxaya

Mateus 14:14

Jesus keti itã butukaĩkĩ yurã kaiã uĩ hatuwẽ nuihairakĩ hatunabu isĩ teneaibu hanu iyuabu hatu shushawashũpakeaya

Mateus 8:15

Jesus hawẽ nuikĩ metsũshũ yuna shushawa benikirã duawakĩ bawashũ hatu pimaya

Mateus 8:33

haskai uĩtã ha ina yawa mekenikabu datei kuxibaini mae anu bushũ huni dabe yushĩ txakabu hayabu haskashu hatuki txaniakeakeaibũ

Mateus 9:2

ma ana Jesus hua nĩkatã huni yura babuni hawẽ dakatiki daka hawẽ haibuaibũ bakebirã datãtã: “Jesusũ shushawatiruki”, iwanã, xinaĩbũ ikũwaĩbu Jesusũ unãkĩ huni yura babuni yuikĩ: —Dateyamawe. Mĩ txakabuwẽ Deusũ mia kupikatsis ibiakĩ mã ea ikũwaĩwẽ taeshũ hau ana xinãyamanũ ẽ mia buashunaii— akaya

Marcos 2:3

huni yura babuni hawẽ baketiki daka huni dabe inũ dabetũ Jesus anu hawẽ dakatiki bakebirã

Marcos 9:25

yurã kaiã itxabirãbiranaibũ uĩkĩ Jesusũ yushĩ txakabu yuikĩ: —Yushĩ pata wakĩ inũ huyu wamistuũ, ha huni bake meranua kaĩrikaĩtãwẽ. Txĩtũkirã ana haki hikiyamashãwẽ— akaya

Lucas 13:12

Jesusũ uĩkĩ kenashũ aĩbu yuikĩ: —Aĩbuũ, mĩ ma shushaki, mĩ isĩ tenenirã— akĩ kamepiaya hawaira kawenikitã hanushũ Deus kẽwãkĩ taewaya

Lucas 4:40

haska washu nĩkabaikĩ hanua ma bari kai mexuaya dasibi ha mae anu hiweakeakeabũ dasibi isĩ betsa betsapa teneaibu Jesus anu iweabu Jesusũ habu tibi mekĩ shushawakĩ kaya wapakekĩ

Lucas 4:41

ha isĩ betsa betsapa teneaibu anua yushĩ txakabu nitxiã kaĩkaĩkĩ unãshubima hãtxa kuxipawẽ yuikĩ: —Miarã, mĩ Deusũ bakeki— akĩ yuikĩ Deusũ Messias Cristo unaĩbuwẽ taeshũ hau hariri hãtxakĩ ana yuiyamanũbũ Jesusũ hatu hãtxamamakĩ nemapakekĩ yushĩ txakabu kaĩmapakenikiaki.

Hechos 5:15

hanua betsarã, tsuabũra hatunabu isĩ teneaibu hawẽ dakatiki iweshũ bai kesha hanu Pedro huai anu xinãkĩ hau ha kawãkĩ hawẽ yura baka utawẽ hau shushawashunũ isĩ teneaibu hanakubainabu Pedro hanu kakĩ ha isĩ teneaibu bestibu hatu shushawakubainaya