Filipenses 2:5 - Kaxinawá Bíblia (BR) Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ. Kashinawa : Diosun Jesúswen taexun yuba bena yiniki Tsuabunda Jesucristokidi jaska man shinainan, jaska Criston shinankubaini keska betsabukidi shinaindakubainkanwen. |
Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.
Eska yurabũ uĩkĩ xinãmisbuki. Na bashti ika dakashũ pimisbu shanẽ ibuki. Hamẽ hatũ hatu pimakĩ duawairã, shanẽ ibumaki, iwanã, xinãmisbuki. Hamẽ eãnã, matu anushũ matu tapĩmanũ ishũ ẽ matu bestibu duawakĩ uĩmakubainaii. Haska keskakĩ haratutũra ea txibãkĩ betsabu mã binuai mã unãtiruki— iwanã,
Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.
Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,
Haskakẽ Jesus mã txibaĩbu betsabunã, hawara ha piti pisbuma pikĩ mã hatu itxakawairã, ha piti ana meama hatuwẽ nuikĩ ana hawẽ keĩ kemuama henerikãwẽ. Mã haska wamakẽ ha ikũwaĩ betsabu Cristo hatu mawashũbianikẽ huĩti babubu txĩtuĩ piti pixta bestiwẽ benutirubuki.
Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.
Haskakẽ Deus matuwẽ nuikĩ matu merabewaya haska matu hiwemakatsis ikai hawẽ nui pepa hau matu uĩmakubainũwẽ, haska Jesus Cristo hiweni keska matu txibãmakinã.
Hamẽ ea ẽ xinãnẽ ikirã, dasibibu merabewanũ ika emebi haska ẽ xinaĩ benama dasibi hatu kẽwãmakĩ Jesus hatu ikũwãmanũ ika hawara danaĩbu henekĩ haska dasibibu hiweabu ẽ hatu merabewakubainaii.
Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.
Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.
Eskawẽ taeshũ Deusũ matu katukĩ kenaniki. Mã hawa bika teneriamakẽ Cristo dukũ ha dukũtũ matu bika teneshuniki, ha txibãkĩ matũri mã bika teneriashanũbunã.
Na mai anua hawẽ yurawẽ Cristo nuitapai yumani keskai ha ini keskariakĩ matũri txibãkubaĩkãwẽ, tsuãra hawẽ yurawẽ bika betsa betsapa txakabu tibi mebiai ha txakabu Cristõ binuni mã maemariatirubukirã.
Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.